मी परत येणार आहे
मी परत येणार आहे
तुझ्या नाळेशी जडला श्वास
तसा ह्या मातीशी जडला आहे
तू वाढवले मज दूध तुझे पाजून
ऋण देशाच्या मातीचे शीरी
रक्षणासत्व सीमेवर वर्षाव
गोळ्यांचा थोपवतो
तुझी ओढ ममता प्रेमासाठी
मृत्यूला ही मागे सारणार आहे
आई.... मी परत येणार आहे....
जाणीव मजला आहे
मी काठी तुमच्या उतारवयाची
तुम्ही झिजवला देह चंदनापरी
म्हणून आज माझ्या जीवनी गंध आहे
रात्र दिवस तुमची धडपड
आमच्यासाठी काबाडकष्ट
दुःख पचवून डोंगराचे
हास्य तुमच्या मुखावर आहे
बाबा.....मी परत येणार आहे.....
सये पूस आसवे लोचनाचे
कुंकू भक्कम तुझ्या भाळाचे
वचन माझे आहे तुला
साथ देणार शेवट पर्यंत
तुझ्या आसवांचा बांध नको बांधू
अन नयनातील पूराने मज नको थांबवू
आठवतो तुझ्या बाहुतला हर एक क्षण
अन लेकरात रमते सखे मन,आवर मनाला घालून
कर्तव्य महत्वाचे मज
तुझ्या सोबत नाते ह्रदयाचे
माझे नाते देशाशी श्वासाचे रक्ताचे
तुझे कुंकू मला तारणारे आहे
सखे.....मी परत येणार आहे.....
ह्या मातीचे उपकार थोर
खेळलो बागडलो इथेच घडलो
ह्या मातीसाठी बेहत्तर रक्त सांडणे
गारद दुश्मनाला करणे
मातीचा हा टिळा भाळी
तिरंग्याची आण घेऊनी
विश्व विजेता देश माझा
मुकुटमणी जगती साजा
माझा देश सशक्त आहे
मी ....परत येणार आहे....
मी.....परत येणार आहे....