ऐतिहासिक भीमा कोरेगाव युद्ध..

पेशवाईचा होता तो काळ

त्यात इंग्रजांनी ठोकला तळ

उच्च नीचतेचे विखारी निखारे

होता अस्पृश्याचा छळ

वाहत होते जाती धर्मांचे वारे

गळ्यात मडके कंबरेला झाडू

पाण्याला महारांना होती बंदी

बांधली कर्मठांनी धर्माची तटबंदी

त्याच दरम्यान ईस्ट इंडिया कंपनीने

त्या गोऱ्या इंग्रजाने दिली महारांना संधी

येण्या त्यांच्या लष्करा मंदी

इंग्रजांनी आखला डाव

पेशवाईचे मिटवण्या नाव

पुण्यावर करण्या घाव

सत्ता वाढविण्याची हाव

सिद्धनाक महाराने ओळखला कावा

घेतली पुण्याकडे धावा

प्रस्ताव दुसऱ्या बाजीरावकडे ठेवला

लढतो इंग्रजांविरुद्ध तुमच्या बाजूला

अट आमची माणसाचा हक्क द्या आम्हाला

छत्रपती शिवाजीचे आम्ही मावळा

ह्या महाराष्ट्राच्या मातीचा आम्हा कळवळा....

ऐकताच दुसरा बाजीराव कडाडला

रागाने लालेलाल झाला भडकला

नीच महारांना पेशवाईत नाही स्थान

नाही तुम्हाला इथे मान

नको पंगतीला आमच्या घाण

तुम्ही तर पायातील वहाण

तुमची नाही आम्हा गरज

लढू इंग्रजांशी गेला जरी प्राण.....

सिद्धनाक महाराच्या ऊरात भडकली आग

घेऊन डोळ्यात राग

जखमी चवताळला तो वाघ

वदला घेणार अपमानाचा सूड

करीन दुसऱ्या बाजीरावाचे

मुंडक्या पासून वेगळे धड

हातात घेऊन तलवार

सज्ज झाला सिद्धनाक सरदार

300 इंग्रजी सैनिक सांगे 500 महार

पेशव्यांचे सैनिक 28 हजार

1 जानेवारी 1818 चा दिवस

भीमा कोरेगाव भीमा नदी काठावर

वेळ सकाळ अंगात युद्धाच वार

तलवारीला चढली ती धार

त्वेषाने लढला तो महार

एक एकाने केले छप्पन ते ठार

गेला तो बाजीराव हादरून

तहान भूक विसरून ते लढले

रक्ताने पाणी भीमा नदीचे लाल झाले

बाजीरावाला हैराण केले

इतिहासात पाचशे महार महान झाले

दुसरा बाजीराव तो हरला

पेशवाईचा अस्त हो झाला

इतिहास भारतात घडला

ऐतिहासिक विजय तो मिळवला

जाणून महारांचा पराक्रम तो

उभारला 1851 ला विजयी स्तंभ तो

आरंभ झाला मानवतेचा तो

समानता बंधुता न्यायाचा तो

माणसाला माणसाचा हक्क मिळवण्याचा तो

आशा त्या ऐतिहासिक त्या दिनाला

पराक्रमी त्या शौर्याला

वंदन करतो कोटी कोटी

माणसातल्या माणुसकीला......