लाइब्रेरी
प्रोफाइल
मी बघतोय...
मी बघतोय...
1 min
327
मी बघतोय
बुद्धाचं करुणेचं साकडं
आणि
देवांवर थुंकणारी माकडं
मी बघतोय
नमाजाचे पवित्र हात
आणि
रक्ताळलेले सावत्र हात
मी बघतोय
शिवरामाचं न्यायी धनुष्य
आणि
दांडकं उगारलेली मनुष्यं
मी पलीकडे बघतोय
कापायला निघालेली माणसं
आणि
'डोकं'च नसलेली शरीरं
मी त्याही पलीकडे बघतोय
धर्मावर चालणारं खुनशी राजकारण
आणि
नेहमीच मरणारा 'सामान्य' निसकारण
आता मी आत बघतोय
हिरव्या-निळ्या-भगव्या दंगलीचे आक्रंदन
आणि
नंग्या गाढवांवर बसून आलेलं माझं 'मरण'
