मी अनुभवलेला पाऊस - भाग तीन

अचानक तो आला, संततधार होऊन,

रुद्रावतार त्याने धारण केला, 

मुसळधार बरसून ॥

पावसासाठी आणा भाका घालणारे मग,

पाऊस पडू नये म्हणून धावा करतात,

नद्या नाले स्वमार्ग सोडून,

रस्त्यावर धावू पाहतात ॥

पाहता पाहता पाणी, चहूकडे साचते,

सुरळीत असलेले जनजीवन, 

विस्कळीत होवून जाते ॥

हवाहवासा वाटणारा पाऊस,

नकोसा वाटू लागतो,

कारण पोटा पाण्यासाठी,

जीव तडफडू लागतो ॥

निसर्गासमोर माणूस,

मग नतमस्तक होवून जातो,

कारण विज्ञान कितीही पुढे गेलं,

तरी निसर्गच बाप असतो ॥