महासत्ता...!

पोरांना दोन वेळची भाकर मिळत नाय

म्हणून धाय मोकलून रडली माझी माय

नुसतं तोंड दिलंय म्हणून बोलतोय

कधी गरिबीचं जगणं जगून पहाय

म्हणे डिजिटल इंडियाचं आभाळात गेलं यान

जगणं जड झालेल्या शेतकऱ्यांचं आहे कोणाला ध्यान?

GDP GST च सगळेच करताय कॅलक्युलेशन

रोजच्या उपाशी झोपणाऱ्या पोटावर आहे कुठलं सोल्युशन?

सोनं नाणं, पैसे अडका म्हणे सुधारत चाललाय देश

आधुनिकतेच्या काळात का बदलत नाही शेतकऱ्याचा वेष?

खूप झालं पण गप्प बसून चालणार नाही आत्ता

बदलला माझा शेतकरी तरच माझा देश होईल महासत्ता...