लाइब्रेरी
प्रोफाइल
मेघ
मेघ
1 min
256
सुकलेल्या धरणीला
ओलाव्याची फुंकर
हलकेच वितळते पहा
वियोगाचे डोंगर
नजरेत मावेना
रिमझीमणारा आनंद
श्वासालाही जानवे
मोकलेपणाचा सुगंध
खेळते गीत मधुर
हस्याशी लपंडाव
वादळे पार करुनी
झाला मायेचा वर्षाव
हाताच्या रेषेवरी जसा
जसा तुषार तो नाचतो
शीतल वारा कानात माझ्या
खुदकन हसतो
मोहरलेल्या ओंजळीतले
थेंब ओठाने मोजले
तहानलेल्या पाखराला
मेघाने अमृत पाजले ...
