लाइब्रेरी
प्रोफाइल
माय मराठी
माय मराठी
1 min
357
मायबोली असे माझी
सर्व भाषांतून थोर
मराठमोळी पदरावर
नाचे जरतारी मोर..
काना, मात्रा, वेलांटी
अलंकारांचा त्यावर साज
विश्वभरातून ऐकू येते
माझ्या मातृभाषेची गाज..
शब्दमाळेत गुंफूनी
शब्दांतून सजली
शब्दशृंगार करुनी
काव्यातूनी अवतरली..
ज्ञानेशाचे पसायदान
त्यात आयुष्याचे ज्ञान
जगाचे सार ओतुनी
सांगितले सर्वां तत्वज्ञान..
मायबोलीत सजले
अभंग नि भजनं छान
गोडी वाटे सत्संगाची
शब्दातून जागे अभिमान..
नाळ माझी मराठीशी
जडली जन्मापासून
आत्मभान जागविले
मौलिक संस्कार जोपासून..
