माझी ढाल

आज इवल्या हातांची गं 

मोतीमाळ माझ्या गळी 

तरी तुझ्या काळजीचा 

तीट माझ्या शोभे भाळी 

ऋणानुबंध जूने फार 

जोडी ईश्वर ज्याक्षणी नाळ 

दिला श्वासातला श्वास 

अभेद्य तू माझी ढाल 

मायेच्या तूझ्या पंखाखाली 

आनंदाचा उंची हिंदोळा 

दुःखी कष्टी मनास गं 

आश्वस्त तू गारवा 

गिरवली संस्कारांनी 

आयुष्याची पाटी कोरी 

संकटांची खोल दरी 

तारण्या तू खंबीर दोरी 

जिद्द तुझी मेहनतीची

फोडी दगडाला पाझर 

चूक भूल सामावन्या 

अथांग तू सागर 

देहबोली दूर लोटी 

नाती विखूरण्याची भिती 

रुप जनू देवघरातील 

तेवनारी तू शांत ज्योती 

उमगती वेदना साऱ्या 

आईपणाची आज जाण 

अल्लड माझ्या पदरी 

मातृत्वाचे जेव्हा दान