लाइब्रेरी
प्रोफाइल
लपे करमाची रेखा
लपे करमाची रेखा
1 min
13.7K
लपे करमाची रेखा
माझ्या कुकुवाच्या खालीं
पुशीसनी गेलं कुकू
रेखा उघडी पडली
देवा, तुझ्याबी घरचा
झरा धनाचा आटला
धन रेखाच्या चर्यानं
तयहात रे फाटला
बापा, नको मारूं थापा
असे खर्या असो खोट्या
नहीं नशीब नशीब
तयहाताच्या रेघोट्या
अरे, नशीब नशीब
लागे चक्कर पायाले
नशिबाचे नऊ गिर्हे
ते भी फिरत राह्यले
राहो दोन लाल सुखी
हेच देवाले मांगन
त्यांत आलं रे नशीब
काय सांगे पंचागन
नको नको रे जोतिषा,
नको हात माझा पाहूं
माझं दैव माले कये
माझ्या दारी नको येऊं !
