लग्न...
लग्न...
नयनांचे नयनांना इशारे कळले
तुझ्यावर माझे प्रेम असे गं जडले
बघितल्या तुझ्या वेगवेगळ्या अदा
मी झालो बघ तुझ्यावरच गं फिदा ||१||
तुला विचारण्याची होईना हिंमत
प्रेमाने केली माझी अशी गत
तू दिसल्यावर मी लटपट कापतो
माझ्या मनावर तुझे चित्र छापतो ||२||
प्राण कंठात साठवून विचारतो तुला,
" तू देशील का आजन्म साथ मला ? "
तुझ्या प्रेमात दिवस-रात्र झुरतो
तुझ्यासाठी रोज असा मरतो ||३||
आपण करू सुखाचा संसार
नेहमी असेल मी तुझा आधार
सोबतीने घालवशील का आयुष्य ?
बघशील का सुखाचं इंद्रधनुष्य ? ||४||
लेकरांना शिकवून खूप मोठं करू
मुलांच्या यशापुढे आनंदाने हरू
सखे, जाणूनी घे माझी विनंती
दे मला आता तू प्रेमाची स्वीकृती ||५||
मी तुझ्या प्रेमाला देते आहे होकार
आजन्म करते आहे तुझाच स्वीकार
आपल्या प्रेमाचा रंग आहे वेगळा
आनंदाने साजरा करू लग्नसोहळा ||६||