खेळ नयनांचा
खेळ नयनांचा
तुझ्या नयनांचा खेळ मला कळलाय सारा,
नको येउस जवळ तुझा श्वास भासे सोसाट्याचा वारा ।।
मन कोमल ग माझे
नको छेडुस तू त्याला ,
नको पाहूस रोखून
घाव होतो ह्या जिवाला ,
आता उठव ग तुझ्या नयनांचा हा पहारा,
तुझ्या नयनांचा खेळ मला कळलाय सारा,।।
तुझ्या हातातील हात माझा
मला घातकी का वाटे ,
क्षणा पुर्वीचा स्पर्श
आता टोचतो का काटे ,
तुझी व्याकूळ नजर आता शोधती सहारा,
तुझ्या नयनांचा खेळ मला कळलाय सारा,।।
तू झालीस बेभान
मला भान आहे सारे ,
नको करुस स्पर्श
येती अंगावर शहारे ,
नको करुस ओठांनी बेधुंद इशारा,
तुझ्या नयनांचा खेळ मला कळलाय सारा,।।
वागणं तुझ
असा एक बहाना ,
शब्द शब्द तुझा
मला सांगतो हुकाणा ,
कसे सुटेल हे कोडे फसला जिव हा बिचारा,
तुझ्या नयनांचा खेळ मला कळलाय सारा,।।
अवस्था हि माझी
जशी सागरी वादळात नाव ,
नाही मार्ग वाचण्याचा
सांग कोठे मी बुडावं ,
नाही आशा सुटण्याची पदरी तुच एक किनारा,
तुझ्या नयनांचा खेळ मला कळलाय सारा,।।