काळास सांगा जन्मतः मी बंडखोर आहे

काळास सांगा जन्मतः मी बंडखोर आहे

नियतीस यत्ने जिंकतो तो मी मुजोर आहे

नाही असा झुकणार या काळापुढे कधीही

लढणार जिंकण्यार्थ हा मी भांडखोर आहे

होईल सारा खाक मी जाणार पीळ नाही

स्वभाव ही माझा जसा मी एक दोर आहे

स्वतंत्र आम्ही जन्मतः वाऱ्यासमान ऐसे

ठेवील आम्हा मुठी कोणात जोर आहे 

आली तुफाने ही किती हलणार ना जरासा

रक्तात सह्याद्री कडा झुंजार थोर आहे