जिव्हाळा

प्रेम जिव्हाळा आपुलकी

प्रत्येकाचा आधार असे

त्यातच गुंतून नाते अपुले

समाधानाने लाख हसे

   नात्याची वीण साजिरी

   जिव्हाळ्याने विणलेली

   कीतीही कर्तव्य भाराने

   दिसे न कधी शिणलेली

मोर पिस हे जिव्हाळ्याचे

रोमरोम फुलवित जाई

असे कुणी ही जाणीवच

आनंद सागरात नेई

   जिव्हाळा मनामनाचा

   करि शांत हा उन्हाळा

   आपुलकीची सावली धरूनी 

   करि त्रुप्त हा जिव्हाळा

प्रेमाचा वर्षाव तो

लावितो हा प्रेम लळा

मनाच्या गाभाऱ्यातच

उजळीतसे जिव्हाळा....