जातीयवादाचा संसर्ग..

जातीयवादाच्या संसर्गावर 

माणुसकीच्या लसीकरणाची    

मोहीम हाती घ्यावी आणि द्यावा

पहिलाच डोज त्यांना ज्यांच्या 

शरीरात रक्त नाही तर धर्मवाद , वर्णवाद , 

जातीवादाचे जंतू वाहतात..

मास्क लावावा त्यांच्या तोंडाला ज्यांच्या 

मुखातून शोषितांवर अत्याचार करण्याचे

 शब्द बाहेर पडतात.

पायाच्या नखापासून तर डोक्याच्या केसांपर्यंत

 मारावं समतेचं सॅनिटायजर त्यांच्यावर ज्यांनी 

 हिंदू - मुस्लिम दंगली घडविल्या...

अंतर ठेवावं त्यांच्यापासून दूर

 जे माणसात असले तरी माणसात नसतात

 कर्मकांड , अंधश्रद्धा , धर्मवाद यांच्यावर 

लावावंच लॉक डाऊन ज्यांनी 

आज माणूसकीचं डाऊन केली...