गुलामगिरी

गुलामगिरी म्हणजे श्रमिकांचे शोषण

कुणाचीतरी माणसे हीच मालमत्ता 

धाक बळाचा सदैव वापर करून 

श्रमिकावर गाजवत असे हे राजसत्ता 

विकले जाई इच्छेविरुद्ध गुलामांना 

नसे अधिकार काम सोडून जाण्याचा 

बोलता येत नसे कामास नकार देण्याचा 

नसे उजागिरी काम मोबदला मागण्याचा

कायद्यांतर्गत नोकरावर होतसे अन्याय 

वाचा फोडणाऱ्यांना डांबले जाई तुरुंगात 

गुलामीच्या जखडात बांधून ठेवून 

श्रमिकांचे आर्थिक शोषण करी अतोनात 

वापर होतसे मुलांचा सैनिक, दहशतवादी 

मज्जावाने बायका मुलांचे होई लैंगिक शोषण 

अन् स्त्री-पुरुषांची होई आयात-निर्यात 

पिसाटलेल्या धर्ममार्तंडाचे होई मात्र पोषण 

इथल्या शोषित पीडितांनी पेटविली मशाल 

श्रमिक वर्गाने केला सत्तेविरूद्ध एल्गार 

एकतेच्या ताकतीने बंद झाले उद्योग 

इथल्या भांडवलदारांनी घेतली माघार 

द्या करून गुलामांना गुलामीची जाणीव 

उच्च ध्येयाप्रती एकच मंत्र आहे शिक्षण 

अन्याय, अत्याचार व शोषणाविरुद्ध 

सुंदर आयुष्यासाठी शिक्षणच करी रक्षण