लाइब्रेरी
प्रोफाइल
ग्रीष्माच्या कातरवेळी
ग्रीष्माच्या कातरवेळी
1 min
414
ग्रीष्माच्या कातरवेळी
हे अर्घ्य वाहिले कोणी
क्षितिजाच्या डोळ्यांमध्ये
बघ दाटून आले पाणी
हृदयाच्या खोल तळाशी
मग असे हालले काही
लाटेवर लाट उसळली
ह्या दिशा बुडाल्या दाही
कुठलीशी हुरहूर जाणे
आभाळ व्यापूनी गेली
व्योमात अचानक आल्या
ताऱ्यांच्या दाटून ओळी
ह्या अगम्यतेच्या पोटी
गात्रांस पालवी फुटली
मी क्षणभर स्मरण कराया
ही धीट पापणी मिटली
