दैवत मुलींचे - सावित्रीबाई फुले

सावित्रीच्या लेकी आम्ही 

सांगतो अभिमानाने जगाला 

हे दिवस नसते आले आमचे 

खात्रीने सांगतो तुम्हाला 

चिखल शेणाचा मार खाल्ला 

अपमानही सहन केला 

पण सोडला नाही ध्यास तो 

आम्हा मुलांना शिकवण्याचा 

ज्योतीबा खंबीर उभे पाठीशी 

शिकविले त्यांनी सावित्रीला

तशीच सावित्री खंबीरपणे 

ज्योतीबांच्या निश्चयाला

तोडून दिली बंधने सारी

तोडीले सामाजिक फास 

त्या सावित्रीने धरला 

फक्त शिक्षणाचा ध्यास 

मुलगी शिकेल प्रगती होईल 

ही जाण होती सावित्रीला

त्यासाठी तिने झिजविले 

आपल्या सार्या आयुष्याला 

ना बाळगली तमा कोणाची 

ना रडली ती कशाला 

ध्येय ठेवून डोळ्यासमोर महत्त्व दिले मुलींच्या शिक्षणाला 

धन्य ती सावित्री 

धन्य ते ज्योतीबा

देवापेक्षाही पुजतो आम्ही मुली 

त्या महान दांपत्याला