छान पिवळा सोनुला

ग्रीष्म  ऋतूत  फुलतो

देतो  मनाला ओलावा |

छान  पिवळा सोनुला

मन   मोहतो  बहावा ||१||

कर्णफुल   दिसे   डुल

कानातील    अलंकार |

झोका फुलांचा सोनेरी

जसा   नवलखा  हार ||२||

येई  वाऱ्याची झुळूक

करी   मंत्रमुग्ध  वास |

रस  शोषण्यास  गर्दी

किट पाखरांची खास ||३||

फुल  मोठे  बहुगुणी

करतात     तरकारी |

भजे,मोकर खायला

असतात   गुणकारी ||४||

भाजलेल्या  जखमास

पान   मोठा  गुणकारी |

ताप, कोरडा खोकला

दुर   करतो    विकारी ||५||

लांबलांब   गोल  शेंग

पोटासाठी   गुणकारी |

बाळंतीन, मुले आणि

प्राण्यांसाठी हितकारी ||६||

बहाव्याची साल, मुळे

येई औषधीच्या कामी |

धुंगी, काढ़ा  पण करे

ताप,  सर्दीस निकामी ||७||

बनतात   खोड़ामुळे

शेतातील   अवजार |

सरपणासाठी   येती

कामी लाकूड बेकार ||८||

अशा सगुणी वृक्षाचे

करा  तुम्ही  संवर्धन |

वृक्ष लावा जीवनात

सांगतसे    गोवर्धन ||९||