भुक

फाटक्या लुगड्याचा पदर

पाघंरून

ती माय घर घर फिरत होती

आपल्या लेकरांसाठी

गोडधोड मागत होती

मांगल्याचे दिप पेटतं असताना

त्या मायच्या पोटात भुक जळत होती

खर तर त्या दिवशी प्रत्येकाच्या घरी दिवाळी होती

एकिकडे घरात लक्ष्मी पुजली जात असताना

त्याच घराच्या बाहेरून

ती माय भाकरीसाठी 

आवाज देत होती

फटाक्यांची आतिषबाजीत

मिठाई वाटली जात असताना

भेकेने व्याकुळ झालेली लेकर

मायला बिलगुन पहात होती

त्याच लेकरांनसाठी ती माय फाटका पदर पुढे करून

काहितरी द्या म्हणून

हात जोडत होती

पण पदरात काहीच पडत नव्हते तेव्हा

माय बिचारी भुक घेवून

एक एक घर ओलांडत होती

ती दहा घर फिरली

तेव्हा एका घरातुन मिळाले

शिळेपकळे पदरात बांधून

पाय घराकडे वळाले

खुप काही मिळाल्याच्या आनंदात

लेकरं पोटभर खात होती

लेकरांच समाधान पाहून माय उपाशीच राहीली होती

तेव्हाच त्याच्या झोपडीत

त्या मायन दिवाळी पाहिली होती