भाकरीवरचं प्रेम
भाकरीवरचं प्रेम
भाकरीवर प्रेम करणारा
कधीच कुठं हरत नाही
स्वतःवर विश्वास असणारा
कधीच उपाशी मरत नाही
प्रेम बीम थेर करणं
जमत सगळं त्यालाही
या कोणत्याच भानगडीत
तो कधीच पडत नाही
पिझ्झा बर्गर खाण्याची
अपेक्षा तो करत नाही
दोन वेळच्या भाकरीसाठी
तो काही मरत नाही
अपेक्षांच्या ओझ्याखाली
गाढला कधीच जात नाही
अवास्तव अपूर्ण स्वप्नांना
पाठीवर लादून फिरत नाही
खळगी पडल्या पोटासाठी
इमान कधीच विकत नाही
भाकरीवर प्रेम करणारा
कधी कुठंच हरत नाही