बाप माझा शेतकरी

शेतकरी बाप माझा ,

देशासाठी राबतोय .

मरमर कष्टूनही ,

ऊपाशीच झोपतोय.

दया कधी कुणा यावी,

कष्टताना शिवारात .

बळी पिकवतो मोती ,

माती येते पदरात .

घाम गाळतो शेतात ,

तेंव्हा पिकतात मोती .

अंग लकाके घामाने ,

तेंव्हा धान्य येते हाती .

दाम कामाचे देऊया ,

कष्ट त्याचे खूप झाले .

घरीदारी दैन्य त्याच्या ,

कधी नाही ध्यानी आले .

करु कष्टाची हो पूजा ,

मान पोशिंद्याला देऊ .

दोघे मिळून राबूया ,

शांती त्याच्या जिवा देऊ .