सय माहेराची
सय माहेराची
विषय- एक आठवण
शिर्षक- सय माहेराची
सय माझ्या माहेराची ।
आहे खूपच मोलाची ।।
जाण ठेवते नात्यांची ।
देते भेट प्रेमाची ।।१ ।।
माय नांदे संसारात ।
बाबा व्यस्त हो कामात ।।
भांवडाच्या भावनात ।
गुंग आहे घरात ।।२ ।।
प्रेमभाव मनी असे ।
मानवता अंगी वसे ।।
सर्वत्रच हास्य दिसे ।
जणू गोकुळ हसे ।। ३ ।।
सय येता माहेराची ।
घालमेल जीवनाची ।।
आस दिसे नयनांची।
धार लागे आसवांची ।।४ ।।
माझ्या अंगणी तुळस ।
डुले आनंदी पळस ।।
मोद आनंदी कळस ।
नाही कुठेच आळस ।। ५ ।।
पहा बाबांचा दरारा ।
सदा डोळ्यांचा पहारा ।।
पण वाटतो सहारा ।
जरी वाटे कापरा ।। ६ ।।
घर माझ्या माहेराचे ।
आहे खूपच मोलाचे ।।
नाही दुसरे तोलाचे ।।
स्थान त्याला मानाचे ।।७ ।।