आज्जी

माझी आज्जी नेहमीच,

खूप आनंदी असते.

शांत संयमी राहते ,

कधी तक्रार नसते .

जरी नाही ती शिकली ,

शहाण्यांना शिकवते .

अनुभव तिचे थोर ,

जगा सांगत असते .

प्रत्येकाच्या जीवनात ,

हवी अशी आज्जीबाई .

सर्वांनाच करते ती ,

नेहमीच घाई घाई .

माझी आज्जी ऐकवते ,

रोज एक नवी गोष्ट .

सडेतोड बोल तिचे ,

अर्थ असतोच स्पष्ट .

लवकर नीजे , उठे ,

मग्न नेहमी कामात .

पाहू तेंव्हा असतेच ,

काम सतत हातात .

देते संस्काराचे बोल ,

समजून सर्व घेऊ ,

देवतूल्य माझी आज्जी ,

महानता तिला देऊ .

आज्जी शोभा हो घराची ,

स्थान द्या तिला मनात ,

नका पाठवू कधीही ,

तिला हो वृद्धाश्रमात .