आठवणींचा खेळ

कधीतरी उगाचच तुझी आठवण येते

अन् मग नभात ढग दाटून येतात

बेभान पावसाच्या सरी बरसतात

मजुंळ वाऱ्याची झुळूक वाहाते

ओठी मंजुळ गाणी गुणगुणू लागतात

समुद्राच्या लाटा हळुवार उसळतात

आसमांत सप्तरंगी छटा उमटतात

तुझ्या आठवणींत सारेच रमतात..

मग एका सुंदर क्षणात तुझ येणं होत

अन् मन भिरभिरू लागतं

अलगद स्वप्नांना पालवी फुटू लागते

धुव्वादार पाऊस अन् सुसाट वारा

उधाण तांडव नृत्य करणाऱ्या लाटा

क्षितीजाला गवसणी घालणारं पाणी

अन् पावसांत चिंब भिजलेली गाणी

सगळेच तुझी परतीची वाट अडवतात

तुझ्या येण्यानं सगळेच जणू सुखावतात..

आठवणींचा हा खेळ

मी मनभरून खेळते

आपलं हे नाते

मी जिवापाड जपते…