आम्ही सावित्रीच्या लेकी

आम्ही सावित्रीच्या लेकी

 करतो तिचे गुणगान

कार्य तिचे अनमोल जीवनी

वाढविला राष्ट्राचा बहुमान

शिक्षण आहे महिलांचा हक्क

हे पटवूनी दिले जगास

स्वावलंबी आम्ही आज जाहलो

धार आली व्यक्तिमत्वास

केली प्रगती महिलांनी

आज प्रत्येकच क्षेत्रात 

दान दिले सावूने त्यागाने

शिक्षण दिले आयुष्याच्या पात्रात

अंधश्रद्धा मिटविण्यासाठी

तीचा बहुमोल वाटा होता

विधवा विवाहाचा देखील 

त्या पती-पत्नीने घाट घातला होता

शब्दांची वाहिली स्तुतिसुमने 

तुझ्या कार्यापुढे फिकी आहे

तुझ्या कर्माच्या पुण्याईने आज

महिला सर्व क्षेत्रात सुखी आहे