आई

*विषय :- "आई"*

जन्म देऊनी आई

जग हे तू दाखविले

थोर तुझे उपकार

हृदयी तुला पुजिले ||

धरून तुझ्या हाताला

मी शिकले चालायला

डोळ्यात अंजन घालून

सांभाळ आई तू केला || 

लहानाची मोठी केली

जीव अपार लाविला 

ठेवून उपाशी स्वतःला

खाऊ घालत होतीस मला ||

जीवनाच्या वाटेवर चालताना

दिलास तू मला आधार

तुझ्यामुळेच आई आज

विद्यार्थ्यांना देते आकार ||

आई तुझे योगदान

आहे माझ्यासाठी देणं

काहीच कळत नाही मला

कसे फेडू तुझे ऋण ||

सुखी ठेव माझ्या आईला

आयुष्य लाभो तिला

हीच माझी प्रार्थना

आई साष्टांग नमन तुला ---