മൗനം

നീയെന്ന മൗനമാണ് ഞാനറിയേണ്ടിയിരുന്നത്

ഞാനൊരലർച്ചയായ്

ആരിലോ ചെന്നലിഞ്ഞു.

തൊണ്ടപൊട്ടി ചോരയൊലിച്ചു.

താളത്തിലെന്നിലും മൗനം

നിദ്ര പോലെ നീണ്ടുപോയി.

നിന്നിലുമെന്നിലുമൊന്നായ് മൗനം.

ഞാനൊന്നാശിച്ചു നീയെന്നിലേക്കണയുന്നതും കാത്ത്.

നീയുമാശിച്ചിരിക്കാം തിരിച്ചും.

ഒടുവിൽ ആശയും മൗനവും ഒന്നായ്.

വിട നൽക കാലമേ!

നിന്റെ വിചിത്ര-സങ്കൽപ-ജീവിത വ്യാഖ്യാനത്തെ പിന്നിലേക്കയക്കുക.

ഇനി ഞാനിത്തിരി മൗനിയായിരിക്കട്ടെ.