ಸಂಸ್ಕೃತಿ

ಹಲವು ರಾಜ್ಯ ಭಾಷೆ ನೆಲದಿ ಒಡಮೂಡಿದೆ  ಭಾರತ 

ಶಾಂತಿ ಪ್ರೇಮ ಭ್ರಾತೃತ್ವವ ಸಾರುತಿಹುದು ಸಂತತ 

ವಿವಿಧತೆಯಲಿ ಏಕತೆಯೇ ನಮ್ಮ ದೇಶದ ಸಂಸ್ಕೃತಿ 

ಪರದೇಶದ ವ್ಯಾಮೋಹದಿ ಆಗದಿರಲಿ ವಿಕೃತಿ 

ವೇಷ ಭಾಷೆ ಬೇರೆ ಆದರೇನು ಒಟ್ಟಿಗೆನೇ ಇರುವೆವು 

ಮನುಜರೆಲ್ಲಾ ನಾವು ಒಂದೇ ಭಾವದಲ್ಲಿ ಬೆರೆವೆವು 

ಕೋಟಿ ದೈವ ಇದ್ದರೂನು ದೈವ ಒಂದೇ ಎನುವೆವು 

ಎಲ್ಲಾ ಜಾತಿ ಪಂಥಗಳ ದೇವರಿಗೂ ನಮಿಪೆವು 

ನದಿ ತೊರೆ ಹೊಲ ವನ ಎಲ್ಲಾ ಪೂಜನೀಯವೂ 

ರಾಮ್ ರಹೀಮ್ ನಾನಕ್ ಯೇಸು ಎಲ್ಲಾ ಕೂಡ ಮಾನ್ಯವು 

ದಶದಿಕ್ಕಿಗೂ ಹರಡಿದೆ ವಿಭಿನ್ನತೆಯು ದೇಶದಿ 

ಆದರೇನು ನಾವು ಭಾರತೀಯರೆಂಬ ಹೆಮ್ಮೆ ಭಾವಾವೇಷದಿ