ಪ್ರೀತಿಗಾಗಿ ಬೇಡುವೆ

ಬೇಡುವೆ ದೇವನೇ.. ಅನುದಿನವು ನಾ ಬೇಡುವೆ

ಕನಸಲಿ ಕಾಡುವ ಆ ಹುಡುಗನ ಪ್ರೀತಿಯನು..(ಪ)

ಮನಮೆಚ್ಚಿದ ಆ ಗುಣವಂತನ ಜೊತೆಯನು

ಕನಸಿನ ಬಾಳಿಗೆ ಉಸಿರಾದ ಜೀವದಾ ಆಸರೆಯನು...

.....ಆ ಹುಡುಗನ ಪ್ರೀತಿಯನು..(ಪ)..

ಪಾವನ ಪ್ರೀತಿಯಲಿ ನಿತ್ಯವೂ ಪ್ರಾರ್ಥಿಸುವೆ

ನಮ್ಮೊಲವು ನಿನ್ನಿಂದಲೆ ಅರಳಲಿ ಎನುವೆ

ಬಯಸಿದ ಬಾಳು ನಿನ್ನಿಂದಲೆ ಬೆಳಗಲಿ

ಮನಮೆಚ್ಚಿದ ಒಲವಿಗೆ ನೀನೇ ವರವಾಗಲಿ..

.....ಆ ಹುಡುಗನ ಪ್ರೀತಿಯನು..(ಪ)..

ದೇವ ಮಂದಿರದ ಗಂಟೆಯ ನಾದದಲಿ

ನಮ್ಮೊಲವಿನ ಅನುರಾಗದ ಪದಗಳ ಪೋಣಿಸಿ

ಒಲವಿನ ತೋರಣ ಸಡಗರದಿ ಸಿಂಗರಿಸಿ

ಕಾದಿರುವೆ ಓ ಹುಡುಗನೆ ನಿನಗಾಗಿ..

ಆ ಹುಡುಗನ ಪ್ರೀತಿಯನು..(ಪ)

ಶಾಂತತೆಯ ಆನಂದದ ಘಳಿಗೆಯಲಿ

ನಿರ್ಮಲ ಹೃದಯದ ಕೋಣೆಯಲಿ

ಮುಗುದೆಯ ಕನುಸಗಳು ಜಿನುಗುತಿರಲು

ಚೆಲುವಿನ ಚಿತ್ತಾರನೆ ನೀ ಬರಬಾರದೇನು?

ಆ ಹುಡುಗನ ಪ್ರೀತಿಯನು..(ಪ)

ನನ್ನೆದೆಯ ಗುಣಗಾನದ ಗುಣವಂತನೆ

ಪೂಜ್ಯ ಪ್ರೇಮದ ನಾವೆಯ ಒಡೆಯನೆ

ಸತ್ಕಾರದ ಪ್ರೀತಿಯ ಸಮ್ಮತಿಸಿ ಬರಬಾರದೇ

ಸಂಭ್ರಮದ ಬಾಳಿಗೆ ಹಂಬಲಿಸಿ ಒಪ್ಪಬಾರದೇ?

ಆ ಹುಡುಗನ ಪ್ರೀತಿಯನು..(ಪ)

ಬೀಸುವ ತಂಗಾಳಿಯ ಸಪ್ಪಳದ ಜಾಡಿನಲಿ

ತುಂಟಾಟದ ಪೋರನೇ ನೀ ಜೊತೆಯಾದಂತೆ

ದೇವಗುಡಿಯ ಹೂಗಂಧದ ಮಧುರತೆಯಲಿ

ಒಲವಿನ ಹೂ ಉಡುಗೊರೆಯಾಗಿರಲು

ನೀ ಬರಬಾರದೇ?