ನಮ್ಮಿಬ್ಬರ ಪ್ರೀತಿ -ಪ್ರೇಮ

ನಿನ್ನ ಮುಗಳ್ನಗೆಯಲಿ

ನನ್ನ ಪ್ರೀತಿಯ ನಾ ಕಂಡಂತೆ

ನಿನ್ನೊಲವಿನ ಸವಿ ಔತಣವ

ನನ್ನೀ ಮನಸು ಉಂಡಂತೆ!!

ಕಿರುಬೆರಳ ನೆಲಕೆ ತಾಗಿಸಿ 

ನಾಚುತ ನಾಲ್ಕು ಹೆಜ್ಜೆ

ತುಸು ದೂರ ಹಾಕಿದಂತೆ

ಪ್ರೀತಿಯ ಮಳೆ ಸುರಿಯೇ!!

ಬಲಗಾಲಿಟ್ಟು ಹೃದಯದ ಕದವ

ತೆಗೆದು ನೀ ಒಳಗೆ ಬಂದಂತೆ

ಬಾಸವಾದಂತೆ ಇಂದು ಬಾಳಲಿ

ಪ್ರೀತಿಯ ಪ್ರವೇಶವಾದಂತೆ!!

ನಿನ್ನ ಭಾವನೆಗಳೆ ನನ್ನೀ 

ಬದುಕಿನ ಕವಿತೆಯ ಸಾಲಂತೆ

ನಿನ್ನೊಲವಿನ ಲೋಕವೇ 

ನಾನಿರುವ ಮನೆಯಂತೆ!!

ನಮ್ಮಲ್ಲಿ ಮೂಡಿದ ಪ್ರೀತಿ ಒಂಥರಾ 

ನಾವು ಕಳೆದು ಹೋಗುವ ವನವಂತೆ

ನಮ್ಮಿಬ್ಬರಲ್ಲಿ ಹುಟ್ಟಿದ ಈ ಪ್ರೇಮವೇ

ನಾವು ನೆಲೆಸುವ ಪ್ರೇಮಮಂದಿರವಂತೆ!!