ಮಂಜಿನ ತೇರು

ಚುಮುಚುಮು ಚಳಿಯಲಿ ಮಲೆಗಳ ನಡುವಲಿ

ಮಂಜಿನ ತೇರಿನ ಮೆರವಣಿಗೆ/

ಹನಿಹನಿ ಇಬ್ಬನಿ ಗಾಳಿಯ ಸೇರುತ 

ಬೀಸಿದೆ ತಂಪಿನ ಬೀಸಣಿಗೆ//

ಗಿಡಮರ ತೂಗುತ ಸಮ್ಮತಿ ತೋರುತ 

ಹಸಿರಿನ ಚಿಗುರಿನ ದೀವಟಿಗೆ/

ಹಾರುವ ಹಕ್ಕಿಗೆ ಗೂಡಿನ ಒಳಗಡೆ 

ಒಲವಿನ ಬಂಧದ ಉಪ್ಪರಿಗೆ//

ನೇಸರ ಉದಯಿಸಿ ಬೆಳಕನು ಚುಮುಕಿಸಿ 

ಹಗಲನು ಬಿತ್ತಿಹ ಜಗದೊಳಗೆ/

ಜುಳುಜುಳು ನೀರಿಗೆ ನಿಲ್ಲದ ಆತುರ 

ಕಲರವ ಮಿಂದಿದೆ ಹೊಳೆಯೊಳಗೆ//

ಸಗ್ಗವ ಮೀರಿಸಿ ಧರೆಯದು ಬೀಗುತ 

ಪಂದ್ಯವ ಒಡ್ಡಿದೆ ಕಂಗಳಿಗೆ/

ಕಲುಷಿತ ಮಾಡದೆ ಪರಿಸರ ಉಳಿಸುತ 

ರಕ್ಷಣೆ ಮಾಡುವ ಇದಹೀಗೆ//