ಅನುರಾಗದ ವಿಜ್ಞಾಪನೆ

ನೀ ಬಂದೆ ಎದೆಯದನಿ

ಕಂಪಿಸಿದೆ ಹಿತವಾಗಿ

ದಾರಿತಪ್ಪಿದೆ ಈ ನನ್ನ ಮನವು l

ತಿಳಿಯದೆ ನಿನ್ನೆಡೆಗೆ

ಬಂದಿದೆ ಸ್ವೀಕರಿಸು

ದೂರತಳ್ಳದೆ ಆಲಂಗಿಸು ಕಾದಿರುವೆ ನಾ ll

ಇದ್ದುಬಿಡುವೆ ಉಸಿರಾಗಿ

ಅಪ್ಪಿಬಿಡುವೆ ಲತೆಯಾಗಿ

ಬೆರತುಬಿಡುವೆ ನಿನ್ನೊಳು ಬದುಕಾಗಿ ನಾ l

ಪ್ರೇಮಿಸುವೆ ದಣಿಯದೆ

ಸ್ಪಂದಿಸುವೆ ಭಾವನೆಗೆ

ವಿಜ್ಞಾಪಿಸುವೆ ಅನುಮತಿ ನೀಡು ಪ್ರೀತಿಗೆ ll

ಒಪ್ಪಿಬಿಡು ಪ್ರೇಮವಾ

ಕೊಟ್ಟುಬಿಡು ಹೃದಯವ

ಅಪ್ಪಿಬಿಡು ಬಯಸಿ ಬಂದ ಅನುರಾಗವ l

ಪ್ರೀತಿಸಿಬಿಡು ಪ್ರಾಣವ

ನೀಡಿಬಿಡು ಅನುಮತಿಯ

ಜೀವಿಸಿಬಿಡುವೆ ನಿನ್ನೊಲವಿನಲ್ಲಿ ನಾ ll