The Only Goal in Life is to find HAPPINESS

THE ONLY GOAL IN LIFE IS TO FIND HAPPINESS 😊 😊 

(STOP MOBILE ADDICTION)

(Scene shuru hota hai Khali kamron se, phir JAY jiski mobile ki battery khatm ho jaati hai vo mobile rakhke kamre me aata hai jisme YASH mobile dekh raha hota hai.)

JAY:- YASH chalo n kuchh khele.

YASH(Mobile par se dhyaan n hatate hue, use jawaab deta hai):- Nahi, aao reel dekhe.

JAY (Jhujhalate hue):- Arey yaar, please chalo n kuchh to khele, kitne dino se cricket nahi khela hamne. 

(SHRI mobile dekhte hue YASH se baat karti hai.)

SHRI(Dhyaan Mobile par hi hai):- Jao YASH khelne ab mobile rakho, ek ghante se dekh rahe ho.

YASH(Rukhai ke saath):- Apne kaam se kaam rakho.

(SHRI iss baat pe gussa ho jaati hai aur YASH ko marne lagti hai aur uska mobile fek deti hai, phir YASH rote hue SHRI ka mobile phek deta hai. Dono phir ek ghante tak ek dusre se baat nahi karte hain, phir JAY-YASH aur SHRI ko khelne ke liye bulaata hai aur unke paas koi dusra kaam nahi hota to ve khelne ke liye aa jaate hain, saath me SHRIYAM aur JATIN bhi, SHRI ke dhamkane ke baad aa jate hain, mobile rakhkar, udhar PAPA-MAMMI abhi bhi mobile dekh hi rahe hote hain. Uss samay ve log khub hasate aur khelte hain, unhe mobile ki yaad hi nhi aati. Khelne ke baad ve sab khana khane lagte hain tab unhe mobile ki yaad aati hai kyunki ve to mobile rakhke khaa rahe hote hain par parents abhi bhi mobile hi dekh rahe hain. Parents unse sirf kaam ki hi baat karte hain.)

SHRI(Parents se nirash hokar, apne bhai logo se bolti hai):- Ye hame to bolte hain ki mobile mat dekho par khud to hamesha dekhte hi rahte hain. Kya inhone apni jindagi me sab kuchh haasil kar liya hai, jindagi ka asli matlab to Khushi paana hai n, n ki regular paise kamana, isiliye to uss mukam par pahunchane ke baad bhi aadmi aur khushiyan paana chahta hai. Ab hame parents ko sabak sikhana hi padega.

YASH:- Par ham unhe sabak kaise sikhaayenge?

SHRI:- Mere paas ek plan hai.

(Scene yaha par black hota hai aur dobara YASH se shuru hota hai.

 YASH 5min padhkar khelne jaata hai aur 10min khelkar mobile dekhne lagta hai, tab uske Papa ka dhyaan uspe jaata hai.)

PAPA:- Kya hua, n padh rahe ho n khel rahe ho bas mobile hi dekh rahe ho subah se?

YASH:- Maine kal saara homework kar liya tha, bas thoda sa hi bachaa tha.

Aur jo khushi mujhe khelne se milti vo mai pahle hi paa chuka hu, to ab mere paas bas khali time hi hai.

PAPA:- Aisa thode hi hota hai, jab jyada time deke jyada Khushi mil sakti hai to uss khali time ko utilise karo apni Khushi ke liye.

SHRI:- Par PAPA-MAMMI aap bhi to yahi karte ho jab jyada time deke jyada Khushi mil sakti hai to aap apna kaam khatm karke mobile kyun dekhne lag jaate ho? 

PAPA:- Hamari baat alag hai, hame apne jindagi me jo haansil karna tha vo ham haansil kar chuke hain. Tum bhi jab koi job le lena tab apne man ka kaam karna.

SHRI:- To aapne kya jindagi me sab kuchh haansil kar liya hai? Kya ab aapko aur khushi nahi chahiye?

PAPA:- Nahiiii, chahiye par......

SHRI:- Par-var kuchh nahi. Ab aapko iske baare me jarur sochna hoga ki aapko mobile jyaada pyari hai ya apna time aur apni Khushi. Kyaa aapne sachmuch apni jindagi me sab kuchh haansil kar liya hai????

                                                       THE END