Love revenge

Chapter 1: Woh Pal Jahan Sab Kuch Shuru Hua

“Main tumse hamesha pyaar karti rahi, Rodi... par shayad pyaar sab kuch nahi hota.”

Anni ki zindagi school ke un rozon mein ek fairy tale jaisi thi. Rodi, uska best friend... uska first love... uska sab kuch. Har din dono ek saath school jaana, ek hi bench par baithna, aur lunch mein ek doosre ka khana chura lena—yeh sab Anni ki duniya thi.

Lekin jahan pyaar ho, wahan jalan bhi hoti hai... aur Sofiya woh naam tha jo iss khushbu bhari kahani mein zehar ban gaya.

Sofiya hamesha Rodi ko door se dekhti thi. Uske chehre par ek muskurahat hoti thi—lekin aankhon mein ek ajnabee dard, ek junoon...

Ek shaam, jab Anni ghar par akeli thi, usne awaazon ka ehsaas kiya. Pehle darwaza zor se khula, phir cheekh-pukar… kisi ne uske ghar par hamla kar diya tha. Anni ghabra gayi. Dar ke maare usne apna phone uthaya, lekin signal nahi tha.

Woh bhaag gayi… andheri galiyon se, dil ki dhadkan se tez kadam bharte hue… jab tak usse ek jaani-pehchani awaaz ne roka,

“Anni... ruk jao.”

Woh Sofiya thi. Aankhon mein ajeeb sa madness… haath mein kuch chhupa hua tha.

“Help karo, please,” Anni roti hui boli.

Sofiya ke hothon par ek thandi muskaan thi. “Tumse toh sirf ek cheez chahiye thi… Rodi.”

Ek goli chalti hai…

…aur sab kuch andhera ho jaata hai.

Lekin kahani khatam nahi hoti. Anni zinda hai. Aur ab woh sirf ek pyaar mein dhadakne wali ladki nahi… ek ladki hai jise sab kuch chhinn gaya hai—ab uska mission hai Love 

Revenge.Chapter 2: Wapas Aayi... Ya Koi Aur Hai?

Ek mahina beet gaya tha Anni ke “marnay” ke baad.

Sab kuch badal chuka tha. School ki woh masti bhari hawa bhi ab udasi se bhari thi. Rodi chup-chap rehta… har jagah usse sirf Anni hi nazar aati.

Par ek din… school ke gate par ek nayi ladki khadi thi.

Lambe, silky baal. Bade, udasi se bhare nayan. Uski muskurahat mein kuch jaana-pehchana tha.

Rodi ne use dekha… aur dil se sirf ek naam nikla: “Anni…?”

Woh ladki thoda confuse hokar boli,

“Main Aliya hoon… naye admission se aayi hoon.”

Rodi ki aankhon mein pani bhar gaya. Usne phir se dekha… sab kuch same tha. Chehra, awaaz, chalne ka tareeqa…

Par us ladki ne sirf ek thandi si muskurahat di. “Kya main aapki class join kar sakti hoon?”

Usi waqt Sofiya wahan aa gayi. Usne Aliya ko dekha, uski muskaan ek second ke liye hil gayi.

Phir usne Rodi ka haath pakda. “Chalo, hume teacher bula rahe hain,” usne jaldi mein kaha.

Rodi peechhe mudke baar-baar Aliya ko dekhta raha.

Uske dil ke andar sirf ek awaaz goonj rahi thi:

“Yeh Anni hai… aur yeh kahani abhi puri nahi hui.”

Chapter 3: Chehre ke Peeche Ka Sach

Sofiya ne jab pehli baar Aliya ko dekha tha, uska dil ek pal ke liye ruk gaya tha.

"Yeh... yeh toh Anni hai," usne khud se kaha.

Par yeh kaise ho sakta hai? Mainr  toh... usse...

Us raat Sofiya ne neend nahi li. Usne Aliya ke bare mein sab kuch pata lagana shuru kiya.

– Admission form nikala

– ID documents check kiye

– School record se gaav ka address liya

Aliya, ek chhoti si jagah se aayi thi—Sakura Gaav. Tokyo se bohot door.

Wahan se school tak call bhi kiya.

“Aliya? Haan, woh yahan ke Yamazaki family ki beti hai. Seedhi-saadhi si ladki thi,” dusre taraf se jawaab aaya.

Sofiya ke hothon par ek halka sa sukoon aaya.

“Shayad main hi zyada soch rahi hoon…” usne khud se kaha. “Woh Anni nahi hai. Kabhi nahi ho sakti.”

Lekin Sofiya ye nahi jaanti thi ke kuch chehre jhooth nahi bolte… aur kabhi kabhi, jo sach dikhta hai, woh sirf ek mask hota hai.

---

Chapter 4: Sach Ka Chehra

School ke baad ka waqt tha. Sab chale gaye the… library mein sirf Rodi tha, apne notes padhte hue.

Tabhi peechhe se ek halki awaaz aayi—

“Rodi…”

Woh mudha. Aliya wahan khadi thi, uski aankhon mein kuch alag tha—na jaane kyun, aaj uska chehra aur zyada pehchana lag raha tha.

“Tum yahan? Sab chale gaye hain,” Rodi ne kaha.

Aliya ne ek gehri saans li, aur dheere se uske saamne baith gayi.

“Main tumse ek baat kehna chahti hoon… lekin wada karo, kisi ko nahi bataoge.”

Rodi ne sir hila diya.

Aliya ki aankhon se ek aansu gira, aur uski awaaz halki si kanp gayi.

“Main… Anni hoon.”

Rodi ka dil ek pal ke liye ruk gaya.

“Yeh kya keh rahi ho…?” usne dheere se kaha.

“us raat… Sofiya ne mujhe goli maari thi. Lekin main bach gayi. Mujhe ek gaav ke logon ne mil kar hospital pahunchaya… main zinda thi, lekin toot chuki thi.”

Usne apna chehra jhukaya.

“Phir maine faisla kiya… naye naam ke saath wapas lautungi.

Chapter 5: Shatranj Ki Chal

Library ke ek khaas corner mein, jahan koi nahi jaata, Rodi aur Aliya (jo ab Anni hi thi) baithkar apna plan final kar rahe the.

“Tumhe Sofiya ke saath pyaar ka natak karna hoga,” Anni ne kaha, uski aankhon mein aag thi.

“Woh tum par ab bhi trust karti hai. Uska trust uska weapon bhi banega… aur uska downfall bhi.”

Rodi ne halke se sir hilaaya.

“Main kar sakta hoon… sirf tumhare liye.”

Anni ne muskurahat ke peeche apna dard chhupaya. “Aur main… uski dost ban jaungi. Uska har raaz, har jhoot, sab kuch pata karungi.”

Lekin... woh jaante nahi the ke library ke dusre end par ek shadow unhe sun rahi thi.

Sofiya.

Usne sab kuch sun liya tha. Uski aankhon mein shock tha… phir us shock ki jagah aayi ek thandi, chhupi hui gussa bhari muskurahat.

“Tum dono mujhe bewakoof samajh rahe ho..

Chapter 6: Jhoot Mein Chhupi Sachchai

“Rodi…” Anni ne ek dum se uski baat kaat ke kaha, “Kya tum… tum sach mein Sofiya ko pasand karte ho?”

Rodi confuse ho gaya. Uske hothon se bas ek halki si awaaz nikli, “Kya?”

Anni ne aankhon se Sofiya ki reflection dekh li thi—woh kuch door se un dono ko dekh rahi thi.

Anni ne turant acting shuru kar di, ek halka sa smile banakar boli,

“Main tumhare liye Sofiya se baat karungi… usse bataungi ki tum use pasand karte ho. Shayad wo pehle hurt thi… par ab usse tumhare emotions samajhne ka haq hai.”

Rodi samaj gaya—Anni ne Sofiya ki presence feel kar li hai.

Sofiya, jo chhupke sab sun rahi thi, ek pal ke liye shock ho gayi… par phir uske chehre par ek muskurahat aa gayi.

“Toh Rodi mujhe pasand karta hai?”

Uska dil bhar gaya… aur woh wahan se nikal gayi—khushi khushi.

Rodi ne Anni ki taraf dekha.

“Tumne toh… situation hi palat di.”

Anni ne thoda thaka hua smile diya.

“Game abhi shuru hua hai… aur Sofiya ab aur close aayegi. Tabhi uska asli chehra hum sabke saamne laa sakenge.”

Chapter 7: Dosti... Ya Dhokha?

“Aliya… tum ho hi itni sweet! Mujhe toh lagta hai hum purani dost hain,” Sofiya ne hansi mein kaha, jab dono school ke garden mein baithi thi.

Aliya—jo asli mein Anni thi—muskurayi. “Shayad hum pehle mil chuke hain…”

Uska tone soft tha, lekin uski aankhon mein sirf revenge ki chamak thi.

Agle kuch dino mein Sofiya aur Aliya itni close ho gayi ki school ke sab log kehte,

“Yeh toh inseparable ho gaye hain!”

– Ek saath lunch

– Ek doosre ke ghar jaana

– Secrets share karna

– Even matching bracelets pehnna

Sofiya ne apne dil ki baatein bhi Aliya se share karni shuru kar di.

Usne Anni ke bare mein bola, “Main usse hate karti thi… kyunki Rodi usse pasand karta tha. Par ab sab theek hai, wo gayi… aur Rodi mere saath hai.”

Aliya ne us waqt sirf ek smile di, lekin uske dil mein ek awaaz goonji:

“Main gayi nahi hoon, Sofiya… main tumhare bilkul paas hoon.”

Sofiya ne us par se saara shak hata diya. Ab woh Aliya ko apna sabse bada support samajhne lagi thi.

Chapter 8: Raaz Ka Saaya

Sofiya classroom ke corner mein window se bahar dekh rahi thi.

Bahar Rodi aur Aliya maze mein baat kar rahe the… ek perfect world jaisa lag raha tha.

Lekin uske andar kuch to tha… kuch jo us sukoon ko chhupke se tod raha tha.

“Main ne kisi ko maarne ki koshish ki thi… Anni ko.”

Uske dimaag mein baar baar wahi scene flash hota—woh raat… woh goli… woh dard.

Raat ko jab sab so rahe hote, Sofiya akele bed par chhupke ro leti.

“Agar Rodi ya Aliya ko pata chal gaya… toh kya hoga?”

Uska dil keh raha tha:

“Aliya pe bharosa hai… par kya main usse apna yeh raaz keh sakti hoon?”

Woh khud se lad rahi thi:

– Ek taraf guilt

– Ek taraf khushi

– Ek taraf dar

– Ek taraf pyar

Usse lagta tha ke woh toot jaayegi agar yeh raaz kabhi kisi ne jaan liya.

Lekin… Aliya uske har expression ko silently observe kar rahi thi.

Uske har ek udasi… uske har chhupi guilt ko…

Aliya ke andar ek plan ab aur strong ho raha tha.Chapter 9: Sach Ka Aitraf

Ek shaam… school ke baad, sunset ke time, Sofiya aur Aliya school ke terrace par baithi thi.

Hawa halki thi, aur dono chup thi… lekin Sofiya ke chehre par bechaini thi.

“Aliya…” Sofiya ne dheere se kaha.

Aliya ne uski taraf dekha.

“Haan?”

Sofiya ne thoda ruk kar kaha,

“Mujhe tumse ek baat kehni hai… ek raaz jo mere dil mein bohot dino se chhupa hai.”

Aliya chup rahi.

Sofiya ki aankhon se aansu girne lage.

“Main… main ne Anni ko marne ki koshish ki thi. Woh raat… woh goli… sab kuch meri galti thi.”

Uska gala bhari gaya.

“Mujhe laga tha agar Rodi usse chhod dega toh sab thik ho jayega… par main galat thi. Main buri thi…”

Usne apna chehra chhupa liya.

“Ab tum bhi mujhe chod dogi na… sab chhod denge…”

Aliya chupchaap uske paas aayi… aur bina kuch bole, usse gale laga liya.

Sofiya roti rahi… Aliya ke kandhe par sir rakh kar.

Aliya ne uske kaan mein halki si awaaz mein kaha,

“Main sab kuch jaanti thi, Sofiya… lekin ab tumne khud sach kaha hai. Iska matlab tum badal gayi ho.”

Sofiya ka dil toot kar saaf ho gaya tha us pal…

Aur Aliya… usne badla nahi liya, usne maafi

Chapter Title: "Chhupi Pehchaan"

Sofiya aur Aliya ab dost ban chuki thi. Cafeteria mein woh dono har roz ek saath baithti, ek dusre ke dukh-sukh share karti. Aliya har waqt muskurane ki koshish karti thi, lekin uski aankhon mein ek aisi khamoshi thi jo sirf woh samajh sakti thi.x

Sofiya ek din usse keh baithi,

"Aliya, pata hai? Tum bilkul Anni jaisi ho... uski bhi aankhen kuch keh jaati thi bina shabdon ke..."

Aliya ka dil ek pal ko thama. Usne sirf halka sa muskara kar kaha:

"Shayad hum dono ek jaise dard se guzre hain..."

Sofiya ne uska haath pakda,

"Thank you, Aliya... agar tum nahi hoti toh shayad main apne guilt ke saath jeeti rehti. Tum meri sabse achhi dost ban gayi ho."

Lekin Aliya ka dil phir bhi ek raaz chhupa raha tha...

Woh chahti thi Sofiya khush rahe, bina kisi guilt ke... lekin uske aur Rodi ke beech ab bhi ek adhura rishta tha — ek naam jiska sach ab bhi anjaana tha.

Wahi Rodi, jo ab bhi kabhi kabhi Aliya ki taraf dekhta, jaise kuch pehchanne ki koshish karta ho.Us raat Aliya apne kamre ke ek kone mein diary lekar baithi thi. Chandni ki halki roshni uske chehre par pad rahi thi, lekin uske dil ke kone mein andhera tha.

"Main Anni hoon... par ab Aliya ban chuki hoon..."

Usne apni diary mein likha:

"Sofiya ne galti ki... par kya main uski jagah hoti toh alag faisla leti? Shayad nahi."

Usne ek pal ke liye apne aur Sofiya ke jazbaat ko ek aaine mein dekha —

Sofiya ne apna pyaar khone ka darr jhela,

Anni ne apna pyaar sach mein khoya.

Par ab... Anni Sofiya ko nahi khona chahti thi.

"Usne mujhse nafrat ki, mujhe dard diya... phir bhi main usse pyaar karti hoon, dosti ka..."

Usne diary mein aakhri line likhi:

"Main Sofiya ke chehre mein ab ek dost dekhti hoon, dushman nahi."

Agli din school mein Sofiya ne Aliya ke liye chocolate laayi.

"Tumhara favourite!"

Aliya ne smile kiya, lekin aankhon mein aansu chhupaye...

Kya usne sach mein maaf kiya? Haan...

Kya dard gaya? Nahi...

Par dosti sab kuch tha — aur ab Anni ne apne liye ek nayi zindagi chuni  li thi..

Last Part from Love Revenge:

Sofiya ke dil mein guilt itna gehra tha ke usse khud se nafrat hone lagi thi. Har pal usse lagta tha ke usne Anni ka sab kuch cheen liya, lekin Anni ne use woh diya jo kisi ne nahi diya tha—maafi.

Woh din kabhi nahi bhool sakti jab usne Aliya ke saamne ro kar apne sab paapon ka iqraar kiya tha.

"Mujhe maaf kar do, Aliya… maine tumhara sab kuch cheen liya," Sofiya ne roti huyee aankhon se kaha.

Aliya ne uske haath tham kar bas ek hi baat kahi:

"Mere paas sab kuch tha, par ek dost nahi thi… tum ho na ab?"

Us pal Sofiya ki aankhon se aansu behte rahe, par dil halka ho gaya. Dushmani dosti mein badal gayi thi. Aur ek nayi kahani shuru hui—dard aur sachai se bhari, lekin pyaar se roshan.Love Revenge — Next Chapter

Aliya (Anni) ne dil se faisla le liya tha… wo Sofiya ke liye apna pyaar chhod degi.

"Agar meri doori se kisi ka guilt kam ho sakta hai, to main pyaar bhi sacrifice kar dungi," usne socha.

Usne Rodi se milkar sab kuch keh diya.

"Rodi, main chahti hoon ke tum Sofiya ke saath raho. Usne bohot kuch saha hai… usse sirf tumhare saath hone ki zarurat hai."

Lekin Rodi ka chehra ekdam serious ho gaya. Usne Anni ka haath pakda:

"Anni, main tumse pyar karta hoon… aur tumhare ilawa kisi aur ke saath rehna meri mohabbat ke khilaaf hai. Tum galat soch rahi ho."

"Sofiya ab strong hai. Use mujhe nahi, ek sacchi dost ki zarurat hai."

Us waqt Sofiya wahan aa gayi. Usne sab kuch sun liya tha.

Usne Anni ki taraf dekha aur halki si muskurahat ke saath kaha:

"Aliya… tumhara asli naam hai na? Pata nahi kyu, lekin yeh naam tum par bohot suit karta hai."

"Aur ab mere dil mein Rodi ke liye koi feelings nahi hain. Mujhe sirf yeh dard tha ke main akeli reh gayi thi… ab tum dono ko dekh kar lagta hai ki main bhi apne aap ko accept kar sakti hoon."

Aliya ki aankhon mein aansu the, lekin pehli baar… wo halka mehsoos kar rahi thi. Rodi uske saath tha. Sofiya uski dost ban chuki thi.

Dard khatam nahi hua tha… lekin ab wo akela nahi tha.

Love Revenge — Chapter: Ek Nayi Shuruaat

Zindagi ne in teeno ko alag alag raahon se dard diya tha, lekin ab sab kuch badal gaya tha.

Rodi aur Anni ab bhi ek perfect couple the—lekin unke beech ab aur bhi gehra samajh aur trust tha.

Sofiya aur Anni, jo kabhi ek dusre ke dard ki wajah thi, ab ek dusre ka sahara ban gayi thi.

Sofiya ne ek din Anni se kaha:

"Pehle lagta tha main sab kuch kho chuki hoon… lekin tumne mujhe wapas paane diya. Tum meri zindagi ki sabse khubsurat galti ho."

Anni hans padhi aur usne uska haath pakad kar kaha:

"Aur tum meri woh dushman ho jo meri bestie ban gayi."

"Jo galti dosti mein badal jaye, usse toh taqdeer kehte hain."

Rodi un dono ko dekh kar muskuraya.

"Mujhe toh dar tha ke tum dono mujhe chhod kar apas mein hi bestie goals ban jaogi."

Teeno hanste hain.

Us hansne ke peeche dard tha, lekin wo dard ab kamzor pad gaya tha.

Ab school ki canteen mein teen chhoti chhoti muskaan bikhri hoti thi—

Ek pyara couple aur ek bestie, jo kabhi ek triangle the… ab ek perfect trio ban chuke the.Love Revenge — Chapter: Luka aur Sofiya

Waqt beeta… sab kuch theek ho gaya tha.

Anni aur Rodi apni khushiyon mein the. Sofiya ab strong ho gayi thi—andar se bhi aur bahar se bhi. Lekin uske dil ke ek kone mein ab bhi khaali si khamoshi thi… jaise koi intezaar kar raha ho.

Ek din, school ke peechle garden mein ek ladka uske paas aaya… Luka.

Luka class ka sabse quiet ladka tha, lekin uski aankhon mein hamesha ek mehfooz si muskurahat hoti thi jab bhi wo Sofiya ko dekhta.

Luka ne uske saamne aake kaha:

"Sofiya… mujhe tumse kuch kehna hai."

"Main tumhe kab se pasand karta hoon… tumhare har emotion, tumhara gussa, tumhari smile… sab kuch."

Sofiya chok gayi. Usne turant mana kar diya:

"Luka… please. Main ye sab wapas nahi jee sakti."

"Main already bohot kuch dekh chuki hoon."

Luka ne uska haath pakad kar uski aankhon mein dekha:

"Mujhe tumhare baare mein sab pata hai… tumhara past, tumhara guilt, tumhara akelapan."

"Lekin mujhe tumhare saath rehna hai… har waqt, har dard mein."

"Aur ab main tumse pehle se bhi zyada pyaar karta hoon."

Sofiya ki aankhon se aansu behne lage.

Uska dil thoda thoda bhar gaya. Luka ki aankhon mein na mohabbat chhupi thi, na afsos—sirf sach tha.

Sofiya ne dheere se uska haath pakad kar kaha:

"Luka… agar tum mujhe us tarah accept kar sakte ho jaisi main hoon… toh main tumhara saath chhod nahi sakti."

Aur usi pal… ek naye pyar ki shuruaat hui.

Sofiya jise kabhi kisi ne samjha nahi, aaj kisi ne poori tarah samajh liya tha.

Love Revenge — Final Chapter: Dosti, Pyaar aur Dhoop Bhari Yaadein

Final exams ke baad sab ne thoda sa sukoon ka saans liya… zindagi ke naye modh pe khade the sab…

Par ek plan sabko aur bhi kareeb laane wala tha —

Ek beach party!

Suraj dhal raha tha, samandar ki lehron ka sur… aur us dhoop mein chamakte chehre…

Rodi aur Anni, haath mein haath liye sand par walk kar rahe the.

Rodi ne Anni ki aankhon mein dekha:

"Tum ho, toh sab kuch hai."

Anni muskurayi, aur uske kandhe par apna sar rakh diya:

"Aur tum ho… toh mujhe kisi aur sahare ki zarurat hi nahi."

Thoda door Luka aur Sofiya baith ke samandar ke lehron ko dekh rahe the.

Luka ne Sofiya ke baal pe se ek rait ka tukda hata kar kaha:

"Tumse pyar karke, mujhe khud se pyar ho gaya."

Sofiya ki aankhon mein nami thi, lekin is baar woh khushi ki thi:

"Main pehli baar bina dare, kisi ke saath jee rahi hoon… tum meri himmat ho."

Phir chaaro mil ke ek bonfire ke paas aaye…

Hansee, masti, music, aur soft lights… jaise duniya sirf inhi chaaron ke liye ruk gayi ho.

Aliya (Anni), Rodi, Luka aur Sofiya — ek perfect ending ke deserve karne wale chaar dil.

Dard ke baad sukoon mila tha…

Tootne ke baad bikhra nahi, balki aur mazboot rishta bana tha…

Aur yahi tha unki kahani ka pyaara sa “Happy Ending.”