Main Aam Thi Par Kahani Kahan Thi

Main Aam Thi Par Kahani Kahan Thi

Prologue

Main koi khaas nahi thi

Na aankhon mein sitare the, na lafzon mein shayari.

Ek aam ladki thi jo subah uth kar roti banati thi,

school jaati thi, bhaiyon ke mooh pe haath pher kar kehti thi,

"jaldi uth jao late ho jaoge."

Log kehte the

"Yeh toh sirf ek ladki hai, shaant, simple, ekdum seedhi."

Lekin unhone kabhi meri diary ke kone nahi padhe

Jahan likha tha:

"Main kisi ka intezaar kar rahi hoon jo aayega toh meri poori duniya rang jaayegi."

Pehla pyaar mila tha,

par sirf itna ki yaad ban gaya

Aur main toh chali thi kahani banne,

magar waqt ne mujhe sirf ek page bana kar chhod diya.

Isliye kehti hoon

Main aam thi par kahani kahan thi.

Chapter 1: Intezaar ke Pal

Subah ki dhoop abhi poori tarah khuli bhi nahi thi, lekin uski aankhen khul chuki thi.

Ek baar phir usne sabse pehle apne chhote bhaiyon ke liye doodh garam kiya, unki uniform taiyaar

ki aur apna bag uthaya jaise har roz karti thi.

Uski zindagi kisi diary ke un safhon jaisi thi, jahan har din naye kaam likhe jaate thelekin ek naam,

ek wajah, ek yaad... hamesha wahi rehti thi.

Woh school jaati, doston se hans hans kar baat karti, teachers ki baat dhyan se suntiaur har kisi ko

lagta tha,

"yeh ladki toh kitni strong hai."

Magar sirf uski diary jaanti thi ki uska dil har raat ek hi sawal poochta hai

"Kya kabhi woh laut kar aayega?"

Diary Entry Woh Pehla Pyaar

Pata hai main us din ko kabhi nahi bhool sakti.

Jab tumne mujhe dekha tha, toh aisa laga tha jaise duniya ruk gayi ho. Mujhe laga tha yeh lamha

sirf mera hai.

Par shayad main hi zyada sochne lagi zyada chahne lagi.

Tum toh chale gaye

Bina kuch keh kar bina palat kar jaise main kisi ke khwab ka ek hissa thi, jo ab poora ho gaya.

Main royi thi magar sirf raat ko, sirf us waqt jab sab soye hote hain

Aur ab bhi, main muskurati hoon

Kyuki mujhe khushi hai ki maine pyaar kiya thapoori sachchai se.

Aur shayad ab bhi karti hoon.

Chapter 3: Chhupaye Gaye Dard

Us din jab doctor ki file haathon mein thi, usne bas ek baar palak jhapki

Aur fir diary ka wo safha yaad aaya jahan likha tha:

Mujhe dar nahi lagta bas unki aankhon mein aansu dekhne ka darr lagta hai.

Har din woh school jaati thi, hansti thi, chhote bhaiyon ke saath khelti thi lekin raat ko uske haath

kabhi kabhi kaanp jaate the.

Uske andar kuch tha jo dheere dheere use kamzor kar raha tha.

Par usne kabhi kisi se nahi kahana maa se, na bhaiyon se

Kyuki uska sabse bada darr yeh tha:

Agar main toot gayi toh mere baad inka kya hoga?

Chapter 4: Hinata Ke Sapne

Mujhe kabhi koi bada sapna nahi tha

Na sheharon ki roshni chhooni thi,

na kisi buland manzil tak jaana tha.

Maine bas ek chhoti si khwaish rakhhi thi

ki koi ho jo meri baaton ko bina kahe samajh jaye.

Jo mujhe meri khamoshi mein bhi padhe

Jo mere haathon ki thakan ko mehsoos kare

Aur jab duniya ke sab chehre mud jaayein,

tab bas woh rahemere paas.

Main Hinata hoon.

Main strong bhi hoon aur thodi si kamzor bhi.

Main muskurati hoon, par har muskurahat ke peeche

ek naam hai jiska intezaar ab tak khatam nahi hua.

Aur sach kahun

Mera sapna bas itna tha

ek hamsafar jo meri chhoti duniya mein aakar usse poora bana de.

Diary Entry: Intezaar Ka Pyaara Ehsaas

Kabhi kabhi lagta hai

yeh mohabbat jaisi koi chhoti badi chiz mere liye bani hi nahi.

Shayad main us kabil nahi thi

ya shayad meri kahani mein koi aisa kirdar hi nahi likha gaya

jo bas mujhe chahe mere liye ho.

Par fir bhi

pata nahi kyun,

intezaar karna kabhi kabhi bohot pyaara lagta hai.

Jaise kisi ki yaad ke sath ek silsila bandha ho

Jaise har guzarta lamha keh raha ho

"thoda aur ruk jaa bas thoda aur"

Mujhe nahi pata woh kab aayega

ya aayega bhi ya nahi,

lekin mera dil fir bhi uske liye ek jagah banaye rakhta haiBas uske liye jo kabhi mila hi nahi.