Whispers of the Moonlight & Sunshine

Whispers of the Moonlight & Sunshine
Diary Entry – Chapter 1: Wo Pehla Pal…
Date: 21st July

Aaj school ka mahaul waise hi tha… shor sharaba, haste hue chehre, aur meri usual khamoshi.
Main apni seat par chup chaap baithi thi… diary meri god mein thi, aur main bas khidki se baahar dekh rahi thi.

Aage wali bench par ek ladki baithi thi — nayi thi shayad. Uski aankhon mein ek ajeeb si shanti thi, jaise wo bhi meri tarah duniya se thoda alag thi.

Tabhi ek ladki mere paas aayi aur kaha,
"Kya tum age baith sakti ho? Mujhe yaha apni friend ke saath baithna hai."

Mujhe thoda ajeeb laga… par maine us aage wali ladki ki taraf dekha. Dheere se pucha:
"Kya main tumhare paas baith sakti hoon?"

Usne bina kuch sochhe muskurate hue kaha:
"Haan… bilkul."

Aur bas…
Main uske paas jaake baith gayi. Hum dono ne kuch nahi bola… sirf ek dusre ki presence mehsoos ki.
Woh khamoshi bhi ajeeb thi… lekin uncomfortable nahi thi.

Fir kuch der baad usne pucha:
"Tum diary likhti ho?"

Main sirf muskurai… sir hila diya.
Aur us pal… mujhe laga jaise kisi ne meri andar ki duniya ke darwaze pe ek halka sa knock kiya ho…

Shayad…
Yahi tha humari dosti ka pehla pal.
Whispers of the Moonlight & Sunshine


Diary Entry – Chapter 2: Jaise Hum Pehle Se Hi Jud Gaye The...
Date: 22nd July

Aaj dusra din tha uske saath baithne ka…
Aur lag raha tha jaise hum pehle se ek doosre ko jaante ho.
Jaise school ki bheed mein sirf hum dono ki hi duniya ho — chhoti si, khamosh si, aur apni si.

Ab hum sirf ek bench par nahi, ek silsile mein baatein bhi share karne lage the.
Lunch time mein ek doosre ke dabbe ka taste lena, notes compare karna, aur bina wajah hansi aana…

Fir dheere dheere logon ki nazar hum par padne lagi.
Kayi ladkiyan poochne aayi:

💬 “Kya tum dono pehle se friends ho?”
Aur jab hum haste hue kehte,
💬 “Nahi… hum kal hi mile hain,”
To unka chehra dekhne laayak hota.

Woh hairani, woh disbelief…
Kyunki humari bonding mein wo comfort tha jo waqt se nahi… dil se aaya tha.

Aaj jab school ke baad hum sath ghar tak gaye…
Wo chhoti si raah, wo halki si dhoop, aur hum dono ki baaton se bhari hui wo silence…
Mujhe laga,
Zindagi ne mujhe ek aisa rishta de diya hai jise main kabhi khona nahi chahti.

Kya dosti bhi pyaar ki tarah hoti hai?
Ek khamosh ahsaas, jise samajhne ke liye lafzon ki zarurat nahi hoti…?

Whispers of the Moonlight & Sunshine
Diary Entry – Chapter 3: Jab Opposites Bhi Ek Duniya Bunte Hain...
Date: 24th July

Jab main use pehli baar mili thi, toh laga tha hum dono bilkul alag hain...
Main ek khamosh ladki, jise apne aap mein rehna pasand hai — apni diary, apni soch, aur apni chhoti si anime wali duniya mein khoya hua ek sansaar…

Aur wo?
Wo ek khushmizaaj toofan thi — BTS aur Korean dramas ki fan, har baat mein excitement bhar bhar ke bolne wali, jo kabhi rukti hi nahi thi.
Ek aisi ladki… jo sabko hansa deti thi, aur khud kabhi apni muskurahat nahi chhupati thi.

Main introvert thi…
Aur wo ek open book jaisi extrovert.

Lekin pata hai?
Hum phir bhi ek jaisi feel karte the.

Wo meri duniyaa mein aayi, bina knock kiye… aur mujhe woh sab batana sikha diya jise main sirf likh ke mehsoos karti thi.
Main use anime ke baare mein batati… aur wo mujhe naye Korean actors ke naam yaad karwati~
Mera silent world… uski awaz se poora ho gaya tha.

Aur uski duniya mein…
Main ek aisi muskurahat ban gayi thi, jo chup rehti thi par sab kuch keh jaati thi.

Shayad isi wajah se…
Main badal gayi thi.
Zyada khul gayi thi.
Ab main bhi haste hue keh sakti hoon —
"Haan, main bhi kisi ki favourite hoon."