Raat ki dairy by Adiba

Introduction -- raat ki dairy 

“Kuch yaadein raati hawaon mein gungunati rehti hain… kuch jazbaat sirf likhe jaate hain, kahe nahi jaate.”

Yeh kahani hai ek aise dil ki jo do raaston ke beech khamosh tha—ek taraf pyaar tha, dusri taraf parivaar.

Jahan ek taraf sapne the, wahan doosri taraf zimmedaariyaan.

Jis ladki ne khud ko sabke liye chhupa liya, usne likhne ke liye apne aansuon ko qalam bana liya.

Yeh diary usi ladki ki hai… jo ajeeb nahi thi, bas thodi alag thi.

"Raat ki Diary" ek emotional safar hai—apne hone ko samajhne ka, khud se pyaar karne ka, aur un lamhon ka jo sirf andheron mein roshan hote hain.

Agar kabhi tumne bhi kisi ke liye khud ko bhula diya ho… toh ho sakta hai yeh kahani tumhari bh

Raat ki dairy 

Page 1: Zindagi ka pal, jab sab kuch badal gaya

2024 aur 2025...

Meri zindagi ka ek ahem hissa. Ek pal tha jab sab kuch badal gaya. Mera pyaar, jo maine apne

dil ke gehraiyon mein chhupaya tha, ab mere samne tha.

Wo ladka, jise maine apne 11 saal ke sapnon mein kho diya tha, wo meri zindagi ka hissa ban

gaya.

Par sab kuch utna aasan nahi tha. Mere parents, jo mere liye hamesha sab kuch the, unko yeh

pyaar pasand nahi aaya.

Unhone mere dil ki baat nahi samjhi. Mera pyaar, meri khushi unke liye ek galat raasta lagta

tha.

Aur is bechaini ne mujhe toh aur bhi zyada dard diya.

Maine apne pyaar ko kho diya—unhe apne parents ki khushi ka samna karte hue chhupaya. Par

dil mein ek gehra khaali pan tha, jo kisi bhi tarah bhar nahi paaya.

Page 2 : Unse judaa toh ho sakti hoon… lekin unse alag nahi

Main chahti thi ki meri duniya samjhe—ki pyaar kya hota hai.

Lekin is sab ke beech… mere parents hamesha mere dil ke sabse kareeb rahe.

Unki har daant ke peeche ek chhupi hui chinta hoti thi… har mana karne ke peechhe ek darr

hota tha—ke kahin main toot na jaun.

Main unse alag soch rakh sakti hoon… Unke faisle mujhe kabhi kabhi galat bhi lagte hain…

Lekin main unse alag kabhi nahi ho sakti.

Wo meri zindagi ke pehle insaan hain jinhone mujhe bina kisi shart ke pyaar kiya. Aur 

Raat ki Diary

duniya mujhe samjhe ya nahi… main apne maa-papa ko hamesha dil se samjhti hoon.

Page 3 : Do raaston ke beech—main khud ko kho baithi thi

Us waqt meri zindagi do hisso mein baant gayi thi—ek taraf mera pyaar, jiske liye dil ro raha

tha… aur ek taraf mera parivaar, jinke liye main jeeti hoon.

Aur main? Main beech mein thi… bilkul khamosh.

Kisi ko chune ka matlab tha, kisi ko khona.

Main kisi ko rulana nahi chahti thi, par khud har raat aankhon mein aansu le kar soti thi.

Unhe dekhkar lagta tha, “Maa, papa… main aapko dukh nahi dena chahti…”

Aur usse dekhkar lagta tha, “Tum mere dil ke sabse kareeb ho… mujhe tumhara saath

chahiye…”

Main chup thi. Udaas thi. Lekin sabke samne muskurati thi… kyunki mere aansuon ko samajhne

wala koi nahi tha.

Yeh woh pal the jahan maine apne dil se dosti tod di thi… sirf dusron ki khushi ke liye.

Page 4 : Ek tarfa pyaar... aur ma-baap ke liye chhoda gaya khwab

Main usse chhod aayi. Na koi vaada tha, na koi dard uski aankhon mein… kyunki usne kabhi

jaana hi nahi ki main usse kitna chaahti thi.

Maine sirf mohabbat ki thi… usne nahi.

Woh meri khwabon mein tha, meri har khamoshi mein tha… par shayad main uske liye sirf ek

wajah bhi nahi thi.

Raat ki Diary

Lekin mere parents—unhone kabhi bhi mujhe tanha nahi chhoda.

Unki koshishon, unki har chhoti chhoti baat ne mujhe yeh samjhaya:

“Mohabbat tabhi kaam ki hai jab usme izzat aur samajh ho.”

Main roya karti thi, chupke se. Par aakhir mein, maine apni khushi ko unki khushi mein

dhoondna seekh liya.

Pyaar chhodna asaan nahi tha… lekin unka bharosa todna usse bhi zyada mushkil tha.

Page 5 : Main ajeeb thi… ya bas thodi alag?

Log kehte the, "Yeh ladki ajeeb hai."

Main zyada bolti nahi thi, bheed mein rehna pasand nahi tha. Khamoshi meri chaadar thi, aur

sapne mere khelne ki jagah.

Shayad isiliye mujhe samajhna mushkil tha… ya shayad kisi ne koshish hi nahi ki.

Main dar jaati thi un logon se jo bina pooche hi faisla kar lete the—ke kaun normal hai, aur kaun

nahi.

Par ab samajh aaya… main ajeeb nahi thi, main bas un jaison mein nahi thi.

Main woh thi jo khud se baatein karti thi…

Jo har dard ko likhne lagti thi…

Jo ek chhoti khushi mein bhi poori duniya dhoond leti thi.

Aur agar yeh ajeeb hai… toh mujhe khushi hai ke main hamesha se alag rahi hoon.

Raat ki Diary

Lekin mere parents—unhone kabhi bhi mujhe tanha nahi chhoda.

Unki koshishon, unki har chhoti chhoti baat ne mujhe yeh samjhaya:

“Mohabbat tabhi kaam ki hai jab usme izzat aur samajh ho.”

Main roya karti thi, chupke se. Par aakhir mein, maine apni khushi ko unki khushi mein

dhoondna seekh liya.

Pyaar chhodna asaan nahi tha… lekin unka bharosa todna usse bhi zyada mushkil tha.

Page 6 : Main ajeeb thi… ya bas thodi alag?

Log kehte the, "Yeh ladki ajeeb hai."

Main zyada bolti nahi thi, bheed mein rehna pasand nahi tha. Khamoshi meri chaadar thi, aur

sapne mere khelne ki jagah.

Shayad isiliye mujhe samajhna mushkil tha… ya shayad kisi ne koshish hi nahi ki.

Main dar jaati thi un logon se jo bina pooche hi faisla kar lete the—ke kaun normal hai, aur kaun

nahi.

Par ab samajh aaya… main ajeeb nahi thi, main bas un jaison mein nahi thi.

Main woh thi jo khud se baatein karti thi…

Jo har dard ko likhne lagti thi…

Jo ek chhoti khushi mein bhi poori duniya dhoond leti thi.

Aur agar yeh ajeeb hai… toh mujhe khushi hai ke main hamesha se alag rahi hoon.

Raat ki Diary

Page 7 : Jab kisi ne mujhe mujhmein pehli baar dekha…

Main socha karti thi—"Main hi alag hoon, main hi ajeeb hoon."

Har bar log mujhe ghurte the, kuch kehte nahi the… aur main sochti thi, "Kya galti hai mujh

mein?"

Par fir, 15 saal ki umar mein, ek aisi dost bani… jise meri khamoshi mein sukoon mila.

Jisne mujhe kaha, "Tu ajeeb nahi hai, tu toh khoobsurat hai… is duniya se zyada.”

Mujhe pehli baar laga… shayad mujhmein kuch toh khaas hai.

Usne mujhe bataya ke log mujhse jalte hain… Mere chehre se, mere andaaz se, mere hone se.

Aur us din, maine khud ko pehli baar ek dil se pyaari ladki ke roop mein dekha.

Main pehli baar muskuraayi… bina kisi wajah ke, sirf apne liye.

Shayad yeh dosti nahi hoti toh main kabhi khud se pyaar karna seekh hi nahi paati…

Goodbye – Raat ki Diary

Shabdon ka yeh safar yahin tak tha…

Lekin har ant ek nayi shuruaat ka paighaam hota hai.

Agar tumne mere jazbaat mehsoos kiye… mere aansuon mein apna dard dekha…

Toh shayad hum kabhi na kabhi, kisi na kisi raaste par ek jaise the.

Raat ki Diary ab khamosh ho gayi hai… lekin dil ke kone mein woh awaaz ab bhi gunguna rahi hai:

“Tum khaas ho… aur tumhari kahani bhi.”

Phir kabhi milenge… kisi nayi diary ke saath, kisi naye khwab ke saath.

Tab tak ke liye…

Apna khayal rakhna, pyaare insaan.