भोजपुरी गीत – का करबू गोरिया

देबू नाही भोटवा त का करबू गोरिया

चला तनी झार के दबावा मसिन बटनिया

अइसन मोका नाही रोज रोज आवेला

जेवन मनई जागेला उहे कुछऊ पावेला।

जागी भिनसरवा चला भोटवा के ओरिया

देबू नाही भोटवा त

देबू यदि भोटवा त देशवा जीत जाई

भूल जे जइबु उमरिया सगरो नास जाई।

खुशहाल होई देशवा औरी गाँव नगरिया

देबू नाही भोटवा त

बहकवला से केकरो तू मत बहक जइहा

निमन नेतवा औरी पटिया के जितईहा।

संगवा ले जइहा पोती पोता औरी पतोहिया

देबू नाही भोटवा त

भोटवा से बड़का काम केवनों ना होला

देशवा से बढ़ी के धाम केवनों ना होला।

देई आवा भोटवा देहब इनामे झुलनीया

देबू नाही भोटवा त का करबू गोरिया।।