लाइब्रेरी
प्रोफाइल
भोजपुरी देवी गीत 3- माई बिंध्याचल वाली
भोजपुरी देवी गीत 3- माई बिंध्याचल वाली
1 min
246
माई बिंध्याचल वाली तोहरी किरीपा बड़ी भारी
हरदम पूजेला तोहके दुनिया सारी
माई बिनध्याचल वाली तोहरी किरीपा बड़ी भारी
बड़ा आसरा लगाई अइली तोहरे दुआर हो
दूर करा दुखवा हमरो सुना माई पुकार हो
कब अइहे माई हमरो बारी
माई बिंध्याचल वाली तोहरी किरीपा बड़ी भारी
गंगा किनरवा शोभे खूब मंदिरवा तोहार हो
फूल अड़हुलवा मालवा लेई तोहरे दुआर हो
मंदिरवा लागल भीड़ भारी
माई बिंध्याचल वाली तोहरी किरीपा बड़ी भारी
गुफा पहड़वा माई अस्टभुजी बिराजेली हो
खोह काली माई काली खूब साजेली हो
त्रिकोन पूजा होला माई बारी बारी
माई बिंध्याचल वाली तोहरी किरीपा बड़ी भारी
