भोजपुरी छठ गीत 9 - चला धीरे धीरे

सइयाँ दउरा लेके छठी घाट चला धीरे धीरे

डूबते सुरुजमल अरघिया चढाइब तीरे तीरे

खुश होइहे छठी मईया किरीपा खूब करीहे

पूरा करीहे मनसा हमरो अँचरा भरी दिहे

सुपवा सजवली संगवा हमरे चला भिरे भिरे

सइयाँ दउरा लेके छठी घाट चला धीरे धीरे

नदिया किनरवा घाट आज मेला खूब लागी

धूप दिया नारियर केरा लेला तनी आगी

छठी मईया मनाइब बहाई नैना नीरे निरे

सइयाँ दउरा लेके छठी घाट चला धीरे धीरे

गोदीया बलकवा दिहे घरवा अन धनवा

ब्र्म्हा मानस पुत्री मईया लागल मोर मनवा

बड़ा रे कठिन छठ बरतिया करा धीरे धीरे

सइयाँ दउरा लेके छठी घाट चला धीरे धीरे।