बाबा श्योतनाथ

हे र नाथ बाबा श्योतनाथ बोलो र सारे...,

थारे आगले और पाछले संकट कट जा सारे....,

माँ के गर्भ में पड्या हुआ तन रो-रो करी पुकार,

तेरा ए भजन करूंगा मालिक एक ब बाहर निकाल,

सब लोग बेकार पड़े स माया के झंकारे.....,

थारे आगले और पाछले संकट कट जा सारे....|

परम पिता न भूल गया तू मोह-माया म फंस कै,

त्रिया जाल म उलझ गया बात करै हंस हंस कै,

देखा न तनै उल्टा फर कै माँ क गर्भ के नजारे...,

थारे आगले और पाछले संकट कट जा सारे....|

उस दिन बाबा याद करा जब काल न आकै घेरा,

आग्य पाछ्य काल खड़ा तेरे चारों तरफ अँधेरा,

बाबा जी मनै नहीं था बेरा इब आकैं तू ही बचा ले,

थारे आगले और पाछले संकट कट जा सारे....|

जिला रोहतक मै चाहिए है यो खरकड़ा गाम हमारा,

हाथ जोड़ क करै विनती कुलवीर बैनीवाल बेचारा,

बाबा जी मनै दियो सहारा मेरे होज्या वारे न्यारे,

थारे आगले और पाछले संकट कट जा सारे....|