માયલા.

માયલા.
સમય સને 1944.

[ઓપનિંગ સાઉન્ડ: એર-રેઇડ સાયરન… ટાઈપરાઇટર ક્લિક્સ… દૂરથી વિમાનોની ગર્જના]

BBC ન્યૂઝ રીડર (ગંભીર અવાજ):
“આ છે બીબીસી, લંડન.અને હું છું જેક, આપનો ચહીતો, વોર રૂમથી બુલેટીન આપી રહ્યો છું.

યુરોપના આકાશમાં ફરી એકવાર ધુમાડો છવાઈ ગયો છે.
જર્મનીના તાનાશાહ Adolf Hitler અને ઇટાલીના શાસક Benito Mussoliniની મહત્ત્વાકાંક્ષાએ આખી દુનિયાને યુદ્ધની આગમાં ધકેલી દીધી છે.

આપણા લંડનની ગલીઓમાં અંધકાર છે.
પેરિસમાં ભય છે.
રોમના ચોકમાં સૈનિકોના બૂટોની ગૂંજ છે.
અને હજારો પરિવારો આજે પણ બંકરમાં બેઠા પોતાના પ્રિયજનોની રાહ જોઈ રહ્યા છે…”

[બેકગ્રાઉન્ડ: બોમ્બિંગ, ટેન્કોની ગડગડાતી]

“બીબીસી તરફથી તાજા બુલેટીન માં …
પૂર્વ ફ્રન્ટ પર ભારે યુદ્ધ ચાલુ છે.
બરફથી ઢંકાયેલી ખાઈઓમાં સૈનિકો રાતભર લડી રહ્યા છે.
ટાંકો તૂટી ગયેલા રસ્તાઓ પર ધીમે ધીમે આગળ વધી રહ્યા છે.
આકાશમાં બોમ્બર વિમાનો ગર્જી રહ્યા છે.

દરેક શહેર હવે નકશા પરનું નામ નથી રહ્યું…
પણ ધુમાડો, રાખ અને ચીસોની એક કહાની બની ગયું છે.પણ આપણો હોંસલો બુલંદ છે...
~~~~
આ જ યુદ્ધ વચ્ચે, બ્રિટિશ એરફોર્સનો એક યુવાન બોમ્બર પાઇલટ — સ્મિથ —
દરેક મિશન પહેલાં પોતાની યુનિફોર્મની અંદર એક પત્ર છુપાવી રાખે છે.

[બેકગ્રાઉન્ડ: ધીમું વાયોલિન]

એ પત્ર લખનાર હતી એની પત્ની.MAY-la "માયલા".(ઉચ્ચાર સામાન્ય રીતે:“મે-લા” )
જૂના કાગળ પર નીલી શાહીથી લખાયેલા શબ્દો યુદ્ધ ભૂમિ માં પણ પણ જીવન્તબાને બોલકા લાગે છે…

‘સ્વીટી સ્મિથ,
જ્યારે તું આકાશમાં ઉડતો હશે,
ત્યારે હું અહીં બારી પાસે બેઠી તારી રાહ જોતી હોઈશ.
તું બાપ બનવાનો છે…
અને જો તું પાછો ન ફર્યો,
તો આ પત્ર તારી છેલ્લી યાદ બની રહેશે…’

પત્રના અંતે માત્ર ત્રણ શબ્દો હતા —
‘Come Back Soon…’

એ ત્રણ શબ્દો જાણે આખા યુદ્ધ કરતાં ભારે હતા.

[બેકગ્રાઉન્ડ: વિમાનોની ગર્જના, ગોળીબાર]

રાત્રિના અંધકારમાં સ્મિથનું બોમ્બર વિમાન જર્મની તરફ આગળ વધી રહ્યું હતું.
નીચે શહેરો સળગી રહ્યા હતા.
આકાશ આગથી લાલ બની ગયું હતું.

કમાન્ડરનો અવાજ રેડિયોમાં ગુંજ્યો —
‘Target ahead!’

એક સાથી વિમાન બળીને નીચે પડ્યું.
ગોળીઓ વરસી રહી હતી.
મૃત્યુ દરેક ક્ષણે નજીક ઊભું હતું.

પણ એ જ ક્ષણે સ્મિથે પોતાની છાતી પાસે દબાયેલો પત્ર ફરી સ્પર્શ્યો.
એના કાનમાં હજુ પણ માત્ર એક જ અવાજ ગુંજી રહ્યો હતો —

‘સ્વીટી સ્મિથ…’

સ્મિથ મનમાં બોલ્યો, રે કુદરત... અજીબ છે તારી દુનિયા...
યુદ્ધ માણસને સૈનિક બનાવે છે…
પણ પ્રેમ એને હજુ પણ માનવી રાખે છે.

[બેકગ્રાઉન્ડ: ધીમું પિયાનો]

1945. 

World War IIનો અંત આવ્યો.
Adolf Hitlerનું સામ્રાજ્ય તૂટી પડ્યું.
Benito Mussoliniની તાનાશાહીનો પણ અંત આવ્યો.

લોકો રસ્તાઓ પર ઉતરી આવ્યા.
ઘંટો વાગ્યા.
ધ્વજ લહેરાયા.

પણ દરેક ઘરમાં ઉજવણી નહોતી.
ઘણા દરવાજા એવા હતા જ્યાં કોઈ પાછું આવ્યું નહીં.
ઘણી બારીઓ એવી હતી જ્યાં રાહ ક્યારેય પૂરી ન થઈ.

સ્મિથ પાછો ફર્યો…
પણ એની આંખોમાં યુદ્ધ હજી જીવતું હતું.

એણે પોતાના બાળકને પહેલી વાર ગોદમાં લીધું,
અને પછી શાંતિથી એ જૂનો પત્ર ફરી વાંચ્યો.

ખિસ્સાનો કાગળ જૂનો થઈ ગયો હતો…
પણ ‘Come બેક Soon …’ શબ્દો હજુ પણ તાજા હતા.

[બેકગ્રાઉન્ડ: ટાઈપરાઇટર ક્લિક્સ + ધીમું સંગીત]
~~~~~±
BBC ન્યૂઝ રીડર:
“ સેલિબ્રેટ થે વિકટરી, આજના બુલેટિન સાથે,
અમે તમને યાદ અપાવીએ છીએ —

યુદ્ધમાં જીતનાર કોઈ નથી હોતું.
ખંડેરોમાં માત્ર યાદો બચી રહે છે.

તાનાશાહીઓ સમય સાથે તૂટી પડે છે…
પણ એક પત્રમાં લખાયેલો પ્રેમ,
ક્યારેક આખી સદીથી લાંબો જીવતો રહે છે.

આ હતું બીબીસી…
લંડનથી.”

[અંતિમ સાઉન્ડ: BBC-રેડિયો સ્ટેટિક… પછી બીપ બીપ. અને રેડીઓ શાંત ]
વાંચન વિશેષ ~

“માયલા” (May-la), Name.Baby ગર્લ બ્રિટિશ નામ છે.ઉચ્ચાર :“મે-લા".

આ નામના અનેક સંભવિત અર્થો મળે છે, અને અલગ ભાષા/સંસ્કૃતિ પ્રમાણે તેનો ભાવ બદલાય છે. સામાન્ય રીતે આ નામ નખૂબ નરમ, મીઠડી જે હેતાળ છોકરી અને આધુનિક સ્ત્રી માટે નું માનવા માં આવે છે.
મુખ્ય અર્થો:
પ્રેમાળ / પ્રિય / વહાલી
મોહક અથવા આકર્ષક
વસંત જેવી નવી શરૂઆત
કેટલીક વ્યાખ્યામાં — જાદુઈ સુંદરતા અથવા માયાની શક્તિ સાથે પણ જોડાય છે. 
” (MAY-la)

ડિસ્કલેમર ~

“માયલા”
લેખક: કલ્પેશ પટેલ

આ વાર્તા એક કલ્પિત રચના છે.  
પાત્રો, સ્થળો અને ઘટનાઓ લેખકની કલ્પનાશક્તિ પરથી ઉત્પન્ન થયેલી છે.  
યુદ્ધની પૃષ્ઠભૂમિમાં દર્શાવાયેલા હિટલર, મુસોલીની, બીબીસી અથવા અન્ય ઐતિહાસિક સંદર્ભો માત્ર વાર્તાના માહોલને જીવંત બનાવવા માટે ઉપયોગમાં લેવાયા છે.  

આ વાર્તાનો હેતુ માનવતાની ભાવના, પ્રેમ અને યુદ્ધની વચ્ચે જીવંત રહેલી આશાને વ્યક્ત કરવાનો છે.  
કોઈ વ્યક્તિ, સંસ્થા અથવા દેશની પ્રતિષ્ઠાને હાનિ પહોંચાડવાનો કોઈજ ઉદ્દેશ નથી.  

---