ચાલ, થોડી લાગણી વરસાવીએ
ચાલ, થોડી લાગણી વરસાવીએ
ઝરમર ઝરમર વરસે પાણી
વરસાદમાં ભીંજાવાની મઝા માણીએ
અહમ, અહંકારના તોડી પડદા
ચાલ, થોડી લાગણી વરસાવીએ,
સૂરજ ભલે હો લાખો માઈલો દૂર
મળે સૂકુન રોજ ધરા અજવાળીને
ભૂલી જઈએ એકમેકની શિકાયતો
ચાલ થોડી લાગણી વરસાવીએ,
વર્ષારાણીએ પણ તોડી દીધા અબોલા
અવનીને લીલી પછેડી ઓઢાડીને
હવે ઝટ વિયોગના વાદળ હટાવી
ચાલ થોડી લાગણી વરસાવીએ,
એક ડગ હું એક ડગ તું માંડ
નફરતની દીવાલો તોડી નાખીએ
એકબીજાના હાથોમાં હાથ પરોવી
ચાલ થોડી લાગણી વરસાવીએ.