અધૂરા સપનામાંથી પૂર્ણતાની દિશામાં

CS Mehul Baxi 

હું મારી સ્કૂલના દિવસોમાં ખુબ હોશિયાર વિદ્યાર્થી નહોતો. દસમા ધોરણમાં પહેલા પ્રયાસે નાપાસ થયો ત્યારે લાગ્યું કે બસ હવે કઈ શક્ય નથી. પણ જીવન એ પરીક્ષાની માર્કશીટથી આગળ ઘણું હોય છે — એ હકીકત ધીરે ધીરે સમજાતી ગઈ.

મેં બીજો પ્રયાસ કરીને દસમું પાસ કર્યું અને પછી 11-12માં કોમર્સ લાઈન લીધી. પછી ગ્રેજ્યુએશન પૂર્ણ કર્યું. દરમિયાન Company Secretary અભ્યાસનો પ્રયાસ કર્યો, પણ CS Foundationમાંથી પસાર થવામાં સતત નિષ્ફળતા મળતી રહી.

ફરીથી જિન્દગી બદલાઈ ત્યારે મારી બહેને Norman Vincent Peale નું “The Power of Positive Thinking” પુસ્તક આપ્યું. આ પુસ્તકએ મારી અંદરનું આત્મવિશ્વાસ ફરી જીવંત કર્યો. ધીરે ધીરે મારી અંદરથી “હું નથી કરી શકતો” નો અવાજ દૂર થવા લાગ્યો.

હું એક રિયલ એસ્ટેટ કંપનીમાં જોડાયો જ્યાં CS ડિપાર્ટમેન્ટ જોઈને ફરીથી આ ફીલ્ડમાં પગ મૂક્યો. પહેલીવાર નિષ્ફળ થયો, બીજેથી પાસ થયો, ત્રીજા પ્રયાસે ફરી નિષ્ફળતા અને પછી સફળતા. 

દરેક પડકાર સામે મન કહે કે “તું નહી કરી શકે.” પણ હિંમત અને વિશ્વાસે એ અવાજને શાંત કર્યો. એમણે મને કહ્યું, “ તું કરી શકે છે.”

મારું જીવન પરિવર્તન લાવનાર બંને ભગવદ ગીતા શ્લોકો:

**कर्मण्येवाधिकारस्ते मा फलेषु कदाचन ।**  

(તારો અધિકાર માત્ર કર્મ પર છે, તેના પરિણામ પર નથી.)

**सुखदुःखे समे कृत्वा लाभालाभौ जयाजयौ ।**  

(સુખ-દુ:ખ, લાભ-હાની અને જીત-હારને સમાન રીતે માણો.)

આ શ્લોકોએ મારા અંદર સ્થિરતા અને શાંતિ લાવી, જે આજે પણ મારી દિશા નિર્ધારક છે.

રસ્તો લાંબો અને કઠિન હોઈ શકે, પણ એકવાર શરુ કરી લો તો પૂર્ણ કરવું જ પડે. એ જ સિદ્ધાંત જીવનમાં લાગુ પડે છે.

મોટિવેશનલ બૂક્સ, ફિલ્મો અને ગીતો એ પણ મારા જીવનમાં નવી ઉર્જાનો સ્ત્રોત બન્યા.

2024 માં CS બન્યા પછી એવું લાગ્યું કે મેં જીવનની એક ઊંચી મંજિલ પ્રાપ્ત કરી. પણ સાચું કહું તો યાત્રા હજી બાકી છે. હજુ પણ આગળ વધવાનું છે.

શું મળ્યું છે આજે ત્યાં સુધી — તે બધું મારા પરિવાર માટે છે. અને જે મળવાનું છે, તે પણ એમના સહારાથી જ મળશે.

“ક્યારેય હાર ન માનવી.”

- Mehul Baxi