યાચના મારી

અંતકાળે રહે સ્મરણ તમારું હરિવર એ યાચના મારી,

પછી ના રહે માયા તારું મારું હરિવર એ યાચના મારી,

દીનબંધુ, દયાનિધિ, ભક્તવત્સલ ભગવંત રીઝો આજે,

શાંતિ મનોમન રહે આવકારું હરિવર એ યાચના મારી,

ના રહે કશોય ઉચાટ, ભય કે લાલસા લેશમાત્ર સતાવે,

આગમન તમારું પ્રભુજી ધારું હરિવર એ યાચના મારી,

ઝાંખી થાય જગત્પતિ રઘુનંદન પંચાયતન સમેત રામ,

દેહ છૂટતાં તમને સતત સંભારું હરિવર એ યાચના મારી,

રઘુનંદન તમારાં ચરિત્રો મનમાં રહે અવિરત રમતાં પ્રભુ,

સતત સતાવતી ઈચ્છાને વિદારું હરિવર એ યાચના મારી.