સર્જન પરમનું
સર્જન પરમનું
સંસારના પૈડાં જ બે નરનાર શોભત એ સદા,
નારી વિના સંસાર છે ફિક્કો ધરોહર એ સદા.
નારી વિનાનું જગ વધી ના તો શકે આગળ કદી,
અમૃત થઈ સીંચે લતા પરિવારની ઘર એ સદા.
છે ઘરનો મોભ,ન એ તો પાયો પણ સદા ડગમગ થતો,
નર સાથ જો હો નાર તો સંસાર ય સુભગ એ સદા.
છે શક્તિનો સ્તોત્રે સદા સંસાર સ્નેહે જીરવી,
ઇતિહાસ મ્હી વીરાંગના સૌ જોમ સોહત એ સદા.
જળ, સ્થળ, નભમાં યે સફળ થાતી જે વણથંભી ધરી,
સંસાર રથ ય ધપાવતી સર્જક તો સુંદર એ સદા.
નારી ખરી નારાયણી, સંસાર સૌ પાઠો ભજી,
સર્જન પરમનું શોભતું જગમાં મનોહર એ સદા.