શ્રી કૃષ્ણ જીવનસાથીના રૂપે

રુકમણી : હે પ્રિયતમ,વૃંદાવન રાધાના વિરહની વેદના નથી હું અજાણ,

વેદના અંતરમાં રાખી મુખ પર એ જ મલકાતું હાસ્ય રાખનાર

છો તમે મહાન,

શ્રીકૃષ્ણ : અરે પ્રિયે, આ તમારા પ્રિયતમ નથી તમારા પ્રેમ કરતા મહાન

મારો ભૂતકાળ જાણીને પણ તમે મને પ્રેમ કર્યો છે અપાર,

રુકમણી: ભૂતકાળ માટે રહેેેવુ છે અજ્ઞાન ભવિષ્ય જોયું છે તમારે સાથ,

રાણી તરીકે ના રાખો, પત્ની બનીને બનવું છે તમારો આધાર,

શ્રીકૃષ્ણ: વિના જોયે તમે રાખ્યો મુજ પર વિશ્વાસ,

હું જ આવીને હાથ ઝાલુ તમારો એ વિશ્વાસ જ મારા પ્રેમનો આધાર,

રુકમણી :રુપ જોઇને પ્રેમ ન થાય, પ્રેમ તો તમારી અંતરાત્માને સાથ,

એકવાર તો તમારી મધુર વાંસળી સંભળાવોને શ્યામ !

શ્રીકૃષ્ણ: વાંસળી અને તેનું સંગીત છૂટી ગયું વૃંદાવનને પાર,

આભૂષણમાંથી માત્ર વાજિંત્રમાં વાંસળીએ લીધો આકાર,

શ્યામ નહીં પણ દ્વારકાનો નાથ છે તમારે સાથ.