પ્રીતડી કરી છે પ્રીતથી

પ્રીતડી કરી છે પ્રીતથી કેમ મેલી દેવાય ?

એ તો અમૃતથી મીઠડી કેમ મેલી દેવાય ?

બાંધી છે ગાંઠડી પ્રેમથી કેમ મેલી દેવાય ?

લડવું તો વીરની નેમથી કેમ મેલી દેવાય ?

હાથે છે હાથ ધર્યો પ્રીતથી કેમ મેલી દેવાય ?

પ્રીતડી કરી છે પ્રીતથી કેમ મેલી દેવાય ?

મીઠા પાણીની વીરડી કેમ મેલી દેવાય ?

મધુથી મધુર આ તો પ્રીતડી કેમ મેલી દેવાય ?

પ્રાણ છે ધરી દીધો પ્રીતથી કેમ પાછો લેવાય ?

‘પાગલ’ નસીબને હાથથી કેમ મેલી દેવાય ?

- શ્રી યોગેશ્વરજી