મંદબુદ્ધિ.

એ છે મંદબુદ્ધિ જે માત્ર પોતાનુંજ વિચારે,

એ છે મંદબુદ્ધિ જે ગઈ ગુજરી પણ સંભારે.

સતત પ્રશંસામાં રહે ફૂલ્યો ફાલ્યો સદાકાળ,

એ છે મંદબુદ્ધિ જે ભૂલ પોતાની ન ગણકારે.

વાતવાતમાં વદે વૈખરીને ઝઘડાને નોતરું દેતો,

એ છે મંદબુદ્ધિ સામેથી જે કજિયાને આવકારે.

ના જાળવે માનમર્યાદા વડિલોની સુધ્ધાએ જે,

એ છે મંદબુદ્ધિ પોતાના તજી પારકાંને સત્કારે.

ઉપકાર છે અગણિત હરિના માનવદેહ દીધો,

એ છે મંદબુદ્ધિ કે જે એવા હરિનેય વિસારે.