મળે કે ના મળે
મળે કે ના મળે
જીવનમાં આ પળો મળી છે, તો તમે જીવી લ્યો
આ ક્ષણો, મળે કે ના મળે,
નયન મળી છે, તો તમે બહાર દ્રષ્ટિ કરી લ્યો
ફરી આ નયન, મળે કે ના મળે,
દરિયાના પાણી ને કિનારો મળ્યું છે, થોડી પળ રહીજા
ફરી આ કિનારો, મળે કે ના મળે
તમને મળેલી લાગણીઓને, અહેસાસ કરી લ્યો
ફરી આ લાગણી, મળે કે ના મળે,
તમારી યાદોને નયનમાં, સમાવી લ્યો
ફરી આ યાદો, મળે કે ના મળે
તમને મળેલી મિત્રતાની હૂંફ, હૃદયમાં સમાવી લ્યો
ફરી આ હૂંફ, મળે કે ના મળે,
તમને મળેલી સ્વતંત્રતા, માણી લ્યો
ફરી આ સ્વતંત્રતા, મળે કે ના મળે
પંખીઓનો કિલકિલાટ મળ્યું છે તો સાંભળી લ્યો
ફરી આ કિલકિલાટ, મળે કે ના મળે,
જીવન મળ્યું છે, થોડું હસી લ્યો
ફરી આ મુસ્કાન, મળે કે ના મળે.